Popular Bible Verses from MATEUS 10

Share

“Hining toh: Aku manyoho keton sama kilau tabiri je jaton bara kaabas manalih bentok kare sarigala je basiak. Keton musti barendeng sama kilau handipe tuntang bujur atei sama kilau burong dara.

Oloh je mahaga pambelom ayue kabuat, kareh nihau pambelome, tapi oloh je nihau pambelome awi kaketepe dengang-Ku, kareh mandino pambelome.”

Ela mikeh dengan ewen je mampatei biti, tapi jaton kuasae mampatei hambaruan. Keleh keton mikeh dengan Hatalla je kuasa marusak biti kalote kea hambaruan intu apui naraka.

Tuntang oloh je dia maku meton sampalakie tuntang omba Aku, dia patut manjadi murid-Ku.

“Ewe-eweh je dengan katoton auhe mangaku arepe murid-Ku intu taharep oloh are, Aku kareh mahin mangaku ie intu taharep Bapa-Ku je huang sorga. Tapi ewe-eweh je milim arepe murid-Ku intu taharep oloh are, Aku kareh milim ie kea intu taharep Bapa-Ku je huang sorga.”

Pakeleh kare oloh je haban; mbelom kare oloh je matei; pakeleh kare oloh je buah panyakit kulit je mimbit bahaya, tuntang harak kare setan. Keton jari manarima kare taloh samandiai te dia imbayar. Jadi tenga kea jete kilau te kea.

Awi te, ela mikeh! Keton toh labih barega bara kare burong ampit!”

“Ela manyangka Aku toh mimbit kadamai akan kalunen toh. Aku dia mimbit kadamai tapi kalawan.