Popular Bible Verses from GENESIS 32

Share

Oloh te hamauh, “Aram dia tinai Yakob. Ikau jari hatangkarap dengan Hatalla tuntang dengan olon, tuntang ikau manang; awi te aram manjadi Israel.”

Palus koan oloh te, “Lapas aku, hanjulo tinai matanandau lembut.” Tombah Yakob, “Aku dia maku malapas tuan, amon tuan dia mamberkat aku.”

Tapi ie melai kabuate. Te dumah ije biti oloh hatue hatangkarap dengan Yakob sampai tokep andau sawah.

Limbah te Yakob hamauh, “Aku jari hatampayah bau dengan Hatalla, tuntang aku magon belom.” Awi te ie manenga aran eka te Pniel.

Metoh oloh te mangkeme je ie dia tau manang hong kalahi te, ie manampar sapan tulang kahang Yakob sampai talukas.

“Eweh aram?” pisek oloh te. “Yakob,” koae tombah.

Koan Yakob, “Suman aran tuan.” Tapi oloh te tombah, “Dia usah ikau misek eweh arangku!” palus ie mamberkat Yakob.

Aku dia patut mandino kare sintam tuntang kataum je jari imparahan TUHAN akangku. Metoh aku haguet dimpah Sungei Yordan, aku dia mimbit taloh en-en beken bara tongkeh. Toh aku buli dengan due baris toh.

Sampai andau toh turonan Israel dia kuman isin meto je manutup sapan tulang kahang meto, awi Yakob jari buah tampar intu kahange.

Limbah te Yakob balakudoa, “Hatalla je inyembah bueku Abraham, tuntang bapaku Isaak, keleh hining auhku! TUHAN jari manyoho aku buli akan lewungku tuntang tundah kolangku. TUHAN jari hajanji handak mawi taloh samandiai bahalap akangku.

Aku balaku toto-toto, manyalamat aku bara kakaku Esau. Aku mikeh, suro ie dumah mantakan tuntang mampatei kakare ikei, aloh bawi atawa anak oloh.