Popular Bible Verses from EKSODUS 3

Share

Koan Hatalla, “AKU TOH AKU JE ATON. Toh ie taloh je musti insanam akan bangsa Israel, Ie je inyewut AKU TOH AKU JE ATON, jari manyoho manalih keton.

TUHAN tombah, “Aku kareh mandohop ikau. Amon ikau jari mimbit bangsa te balua bara Misir, ikau kareh manyembah Aku intu bukit toh. Jete buktie je Aku manyoho ikau.”

Hatalla hamauh, “Ela manokep tinai. Engkak sandalm, awi ekam mendeng toh petak barasih.

TUHAN hamauh, “Aku jari mite kasusah ungkup-Ku intu Misir, tuntang jari mahining ewen mangkariak balaku ilapas bara kare oloh je mangapehe ewen. Toto aku uras katawan kapehen ewen. Awi te Aku mohon handak malapas ewen bara lengen oloh Misir tuntang mimbit ewen balua bara lewu te manintu ije tanah je lombah. Tanah jete tatau tuntang basiwoh, je metoh toh ielai awi bangsa Kanaan, Het, Amori, Peris, Hewi tuntang Yebusi.

Intu hete malekat TUHAN mamparahan arepe akae huang nyalan apui je balua bara bentok rowut. Moses mite rowut te banyala, tapi dia bakehu.

Toh ikau inyoho-Ku manaharep raja Misir mangat ikau tau mimbit bangsa aing-Ku balua bara tanah te.”