Popular Bible Verses from SARITAN GAWIN KARE RASUL 1

Share

Tapi keton kareh mandino kuasa, amon Roh Hatalla jari dumah manalih keton. Tuntang keton kareh manjadi saksi akangku hong Yerusalem, intu hapus daerah Yuda, intu Samaria, tuntang sampai tapakan petak.”

Yesus tombah, “Bapaku kabuat je manukas andau tuntang katikae. Jete dia usah keton katawae, awi jete hak Bapa.

Tuntang metoh Ie hinje dengan ewen, Ie manenga parentah toh akan ewen, “Ela haguet bara Yerusalem. Entai intu hete sampai Bapa manenga taloh je injanji Awie, iete taloh je jari insanang-Ku akan keton bihin. Basa Yohanes mampandoi hapan danum, tapi pire-pire andau tinai keton kareh impandoi hapan Roh Hatalla.”

Limbah Ie mentai katahin epat puluh andau Ie kinjap mamparahan Arepe mahapan cara je batantu haliai akan kare rasul te je Ie toto-toto belom. Ewen mite Ie, tuntang Ie hakotak dengan ewen tahiu kilen ampie Hatalla marentah kilau Raja.

Limbah Yesus hamauh kalote, Ie hagatang akan sorga intu baun matan ewen, tuntang baunandau manutup Ie bara tampayah ewen.

Pandehan ewen magon mananggera akan langit, katika Yesus hagatang, salenga aton due biti oloh hapakaian baputi mendeng hila silan ewen. “O, kare oloh Galilea,” koan kadadue oloh te, “mbuhen keton mendeng ih intu hikau mananggera akan langit? Yesus, je gitan keton hagatang akan sorga te intu taharep keton, kareh haluli tinai kilau te kea sama kilau je gitan keton nah.”