Popular Bible Verses from YESAYA 54

Share

Táe batúan in sonjata inta sinontaḷ sin moḷawang kon inimu, in diábí motuoi. Bo bayongan in inta pinonapud kon bonu in pongadilan in poniatamubí kon diá totuu. Akuoi in mobogoibí in tombuinag kountungan kon mogogundoi-Ku mita,” natuata in singog i TUHAN.

Umpaka buḷud mita bo tombuḷud mita modandú, Akuoi in diábí mogogai in monotabi kon inimu. Dodandian dodamean-Ku in umuran-Kubí kadaian,” Guman i TUHAN inta notabi kon inimu.

Dika moondok, iko in diábí pokopooyáanmai: diábí singkuḻeon bo oyáon. Iko in mokoḻiong bidon kon aidmu inta diá motoindudui kon tungkuḷ noguodpa; diá bidon mokotorop bui kon kaadaanmu saḷaku boba-bobay.

Inta nomaḻí kon inimu in naonda bo ki buḷoimu ḷoḷaki, ki Allah mokudus in Israel in mopoposaḷamatmu. Ki TUHAN Inta Totok in mokawasa, tuata in tangoi-Nea, Sia in Allah inta nongawasa kon sinangkub in dunia.

Pokooḷadon in ḷoḷaigan mita pogogutunanmu; koḷanggó in tontogotnea mita bo koroton in oiginea!

Bayongan in intaumu mobaḻí murí-Ku, mosia in mobiag mooyúon bo motompia.

Tongábí notoyong in Akuoi nonaḷámai kon inimu popisí in torú-Ku inta tumaga-tagab. Táe pinongin tabi mononoi Akuoi in notabi kon inimu.” Natuata in guman i Allah Mopoposaḷamatmu.

“Tongábí tokokiap monag Akuoi in nonaḷámai kon inimu; pinongin ḻimbatú in tabi iko in ginamá-Ku bui.

“Naonda bo kon tungkuḷ i Nuh Akuoi in nodandi kon ḷunud moḷoben in diá bidon monagom kon butá, natua doman in tanaa Akuoi in modandi kon Akuoi in diá bidon tumorú andeka mopogogondok kon i monimu bui.

Benteng mita posindogon-Ku nongkon batu delima, Bonawangmu mita in nongkon batu permata, dindingmu mita in nongkon batu ratna mutu manikam.