Popular Bible Verses from MARKUS 16

Share

Sug Yesus enara bauni lenohob, kaba, en arougb len, endagai: Yen yeihweda naugb yen yesai Mer Geigouhw eisaugb dan dou lusud se cinogo augwan namcir.

Dara gareg en medoc ebdebin an danohob, kaba, dan demeic goubesa dou en naugb en ocirma merna mog mog dau lusud. Dara dan demeic goubesa dou en naugb en emec len gus merir toues. Dara sug en os hinogo bau en, dara en eg aregua toua, doba en emomom an gin touwero. Dara dan deic goubesa dou en naugb sug en ob mesira aga leng areber, kaba, len lemeigouhw toues.

Gareg en medoc ebdebin an dan, kaba, Allah eic maireseb menau geb huhugb dou en. Hanoba yen yogun len debin gin toua. Doba gareg en medoc emebdebin an danero, kaba, Allah eic mor mor se dum smougb dou en dous.

Doba men logodeh gin, kaba, len leihweda naugb len lesai en moro se cinogo sungga sungga terimda. Dara maman Adehsud, kaba, en ousa len an areg len lesai gini naugb en eic ganusbus baos dara dou len toua. Dauntoba lusud lecinaga dag areg len lesai gin, kaba, mer misen namcir.] [

Doba sud hom gigbaba ingga, kaba, en oho mer debin len, endagai: Yen meigdoc emeijesero. Dan decinaga yen yehilon Yesus dau cinogo Nasared gedig lusud letob en se sogo salib ben omomohob. Doba en moongga suginero, anai en eisa ucugwohob. Yen yedeiya sug len lob en deb gini, doba mes mogudohob.

Sug len ledebeij deinyorohob, kaba, len leiya, doba igdohos meh medam graga enin egrij dauwohob. Anai igdahab gini medam namcir. Dangga sug len leinesa igdohos mesohob, kaba, len leiya, doba sud hom gigbaba geg sansun gagas gogoufu hom, inggeigtou dig len merisira misen deb gini. Sug len leiya en, kaba, len leijesan en namcir.