Popular Bible Verses from LUKAS 13

Share

Dangga Yesus esulou len laugwan, endagai: Yen youwan Allah eigdoc yen dau meijen gogom, kaba, yen yeic meijuwemougb esesa naugb yen yeinesa misis geinyim gin dous. Anai leinyana louwan naugb leinesa, doba emedeinyumero. Anai ogom naugb len leinesa misis geinyim gindaha. Hang len lemeinesa touwero. Yen youman dan indir gin deigeigouhw namcir.

Dara gida hom gedig mena mog mog ogod en medgomori agabgebi se arisogomoc sorama hobjeromoi nagama edeisohob, kaba, en toua moongga dara len. Dangga en emec dobosbororo, doba en ec dag ounyana mogud dous. Sug Yesus eiya en dangga, kaba, en enara dou en, endagai: Daneh, iteitogin, kaba, ban beigouhwohob. Dangga sug Yesus ou mesira aga en deitohob, kaba, en medgomori obosboro se mohw ucugb namcir. Hanoba en agahugouhw an Allah terimda.

Sug Yesus eiya en dangga, kaba, en enara dou en, endagai: Daneh, iteitogin, kaba, ban beigouhwohob. Dangga sug Yesus ou mesira aga en deitohob, kaba, en medgomori obosboro se mohw ucugb namcir. Hanoba en agahugouhw an Allah terimda.

Dara yen yeiya lugmahara dau igda eisaugb, dara igda obsaresa, dara dau dig dum mer, dara dau dig dum moho len toua leinesa Allah men goiharaga gin naugb len letara dara en toua. Doba yen, kaba, yen yeigtou dig medigo dous. Dangga hang, se lona ingga, kaba, leng ledag mahara iteitogin, kaba, len ledag mebin. Doba leng ledag mebin iteitogin, kaba, len ledag mahara. Yen youman dan indir gin deigeigouhw namcir.

Hang yen yemeisan gurog dau ginlo. Doba yen yeic meijuwemougb esesa naugb yen yeinesa misis gin terimda. Anai sug sud hom men tu en eisa naugb oung misis dougwo yenohob, kaba, emedeinyum naugb yen yemeinesa deitero. Dangga yen yesa dig medigo naugb youma misis terimda, yendagai: Adehsud, ban bec misis dau emen touahabi. Doba en auni dou yen dig medigo, endagai: Yen yen daugiro, inggina? Anai dan demecinaga yenero.

Dangga yen youman dan indir deigeigouhw namcir. Anai sug yen yemesga meijen sesar naugb yen yemahau an dougworo, kaba, Allah eic mor mor dou yen se dum smougb, aninim dag len gin toua.

Doba sud hom men tu graga en auni dou yen ucugb deit, endagai: Yen yen daugiro inggina? Anai dan demecinaga yenero. Hang yen yeihwededau indan tu maga ginda. Anai yen yaugwan meijen geicara dag meijug mog namcirohob.

Sug Yesus eic gainyenara dau sogo gemera merero dou lusud bouwohob, kaba, en eic gainyenara dau lona sug Allah oiharaga lusud ucugb dou len ucan deit, endagai: Sug Allah oiharaga lusud ucugb, kaba, gini aninim dag ara? Era dan deic dainyen dau ara dou yena? Sug Yesus eijidougwo len dag ginohob, kaba, en enara dou len, endagai: Lona sug Allah oiharaga lusud ucugb, kaba, dan deic dainyen dau sud hom geba sawi meij mogo mogurei hom se men lo dou yen. Anai sug eij bagasohob, kaba, mon ebeibeij namcir. Dangga sug eiji edag magohob, kaba, ba len len, dauntoba len loho mererumesa se men mesira augwan toua.