Popular Bible Verses from LUKAS 10

Share

Doba Yesus ousa len merir an gini. Hanoba en esulou len, endagai: Yen youman deigeigouhw. Anai dan deic goubesa dou yen naugb yen yaiyan hinogo dara arou mog mog augwan. Dara dan deic goubesa dou yen, dauntoba yen yes agadgeij dougwo meijen moc Setan gin toua. Anai dan deiya Allah ahacugb en dau bogo obsara abeba dan indires bedag lehinyeinya terimda se cinogo ginohob. Dangga sug meren gogom en bainyen yen, doba yen yemeijeijero.

Doba maman Adehsud en enara bauwun en mer, endagai: Marta, Marta, ban abdoc eijesa dara ban abums meijog icira aremer einyana, anara? Anai aremer hom dous eng esloulougb edreg dau aremer gus augwan namcir. Dangga sug Mariam en ouci aremer hom geigouhw ginohob, kaba, lusud lemesma dau en deitero, doba ebsugeb naugb en namcir toua.

Dangga sud hom mou ouforoho gini en ecic dau areg geb se Musa men gomnomna dou Yesus ucugb, endagai: Ban abdoc gororougb Allah, aban Adehsud, dara ban abdoc augwan, dara aban geicara augwan, dara aban goubesa augwan, dara aban gauwamara augwan toua. Dara ban abdoc gororougb len gus, aninim dag ban abdoc gororougb banin abaga toua.

Sug en emarges len debma, kaba, en esulou len, endagai: Yen yocuncum dou sud hom men lo gini, dauntoba en esa lingma dara yen naugb yec men meij augwan deb naugb en toua. Anai men meij gin einyana inggebga, doba leng lec, kaba, lemeinyanerodaha.

Sug Yesus eic gainyenara dag gin dou sud hom mou ouforoho gragohob, kaba, en eijidougwo en ucan, endagai: Ban boudesa dagiro? Dau merug homoi gin, kaba, gareng medoc eineg an en dag en mesi misena? Doba sud hom mou ouforoho gini en auni ucugb dou Yesus, endagai: Dan doudesa sud hom gedig en medoc erij an en naugb ousa enohob, kaba, gin eng en mesi misen. Dangga Yesus ousa deisa en mer an gini, endagai: Areg ban ben gini misen. Hang ban toua beihweda naugb beicara dag gin toua.

Dara sug yen yeihweda, kaba, yen yesedougwo deigeigouhw namcir. Anai dan darougb yen dag domba se leng ledag mihiloro mog mog merufu dangga.