Popular Bible Verses from LUKAS 1

Share

Anai dara Allah, kaba, aremer hom emedreg dau men goubesero. Doba men goubesa edeinyum naugb augwan namcir.

Sug Mariam ouman gin, kaba, en ousa deisa malaikad mer an, endagai: Dan indoc esgirahesa, anai dan dedag maman Adehsud men sogougwohob. Dangga hang, areg ban ben dou dan gin, kaba, en emeic dou dan toues. Sug Mariam ousa deisa malaikad mer an ginohob, kaba, malaikad eihwededau en namcir.

Doba malaikad enara bauni en mer ucugb, endagai: Sug Mena Gogoufu, kaba, en emedebeij bans. Hanoba Allah men goubesa emoiharaga ban naugb en emousa ban an gins, anai en moho eb taiba augwanohob. Dangga hang, godeh gedig ban bouwadan gini, kaba, Allah emouci en debinim naugb enin men geicara dara emeija en edag en Meisi gin toues.

Dara maman Adehsud eic geigouhw dou ban toua, anai ban bemohoiya en merero. Doba areg en os dou ban ginohob, kaba, ban bod abina debsa en an dag en emeic augwan gini dou ban toues.

Dangga hang, ban boc abums naugb areg dan den dou ban gin deigeigouhw namcir. Anai cum, kaba, ban abinuhwa. Hanoba ban bemouwadan ban abisi hom, kaba, ban bemeija en moho dag Yesus. Eni sud hom moho agas medam. Anai Allah Gedig En Moho Eb Taiba Augwan, kaba, en emeija en dag en Meisi toues. Dangga hang, maman Adehsud Allah en eigdoumesa en moho dag mougt mera medam naugb en eperwei en meijemouwa Daud en mohw naugb en edag leng Israel meren mougt mera medam gin deit. Anai sug nosa, kaba, Daud gini en edag mougt mera medam naugb len dag gin touohob. Dara men goiharaga gini, kaba, emobsara toua deitero. Doba en edag mougt mera medam naugb en esedougwo Yakub medebeitor len laugwan dag gin beb huhugb namcir.

Doba malaikad oho mer debin en deit, endagai: Mariam, ban bemahaulo. Anai Allah medoc esgiraha se banohob.