Popular Bible Verses from YOHANES 4

Share

Dara maireseb menau geb huhugb gini, kaba, en dau Allah enin dous. Anai en kaba, eni Mena misen. Dangga hang, lusud areg len louwan lesijaresa Allah dag misen, kaba, esloulougb naugb Mena Gogoufu eic maireseb menau geb huhugb dou len, dara en ens areg asesa Allah enin medoc mes dou len nosahabi, len lemesijaresa en toua dag misen namcir. Anai gini aimo dau areg Allah ogod an deb sug nosohob.

Doba lona ebeij deinyorohob naugb sug len lesijaresa en se geica namcir engga. Anai Mena Gogoufu ens areg asesa Allah enin medoc mes augwan dou lenohob. Anai augwan gin, kaba, aimo dau areg Allah enin ouwan dangga.

Doba gareg en eg duhu gedig dan deic dou en gini, kaba, merijemeba en deitero. Anai duhu gedig dan deic dou en, kaba, aninim dag mer edeij bohw besesa se en medoc mes. Hang eic maireseb huhugb dou en toua namcir.

Doba Yesus enara bauni en mer ucugb deit, endagai: Ban bemecinaga dau areg Allah esedeb naugb en eic dou ban dag misenbuma. Dara ban bemecinaga dang dacgeij ban an duhu gin dag misen touebma. Anai sug ban becinaga dan dag misenohob, kaba, ban bemeic duhu dou danero. Doba ban eng bacgeij duhu dau dan dous. Anai duhu gedig dan deic dou ban gini, kaba, eic maireseb geb huhugb dou ban namcir.

Sug Yesus ouman len merir an gin, kaba, en ens meijouhw eisaugb gini asesa dou len deit, endagai: Indan ared, kaba, dag dan daimo areg asesa Allah enin medoc mes dous. Dara dan daimo en mer an areg en arougb dan an gini augwan terimda edebeij sug ouwedoc gin toua.

Sug gida ingga ouman dau gin, kaba, en enara baised Yesus mer, endagai: Adehsud, ban bemeic areng bemagain duhu geic maireseb huhugb gin dou dana? Anai cinogo mes gin, kaba, aga deisa medam namcirdaha.

Doba gida graga, kaba, en enara baunun Yesus mer deit, endagai: Dan decinaga sug Sud Hom Geigdoc Maman Dau Maman Gogom Augwan en en, kaba, en ens meijouhw dau aremer augwan dag misen dou maman toua. Doba Yesus auni dou en. Hanoba en ens enin dou en, endagai: Dan indugwengga, denara dou ban gini.

Sug en edebeij lenohob, kaba, en enara dou len, endagai: Yen yin naugb yideiya sud hom geigtou dougwo Yakub men cinogo mes gadahabi. En edag Sud Hom Geigdoc Maman Dau Maman Gogom Augwan gragenggei? Era naroei? Anai en ens indan geicara augwan asesa dou danohob.