Popular Bible Verses from YOHANES 15

Share

Dan dedag sogo maga, dara yen yedag mesira. Gareg dau yen en edag hom dara dan. Hanoba dan dedag hom dara en toua, kaba, enin eng era mera geigouhw einyana namcir. Anai yen yemera mera dau yeninero, doba ogdoc danin dous.

Dangga hang, yen yemasid yenin dau dan touwero. Doba yen yedag hom dara dan namcir. Aninim dag dan demasid danin dau yen touwero, doba dan dag hom dara yen toua terimda. Anai sug yen yedag hom dara dan dag gini, kaba, yen yera mera geigouhw toua. Doba sug yen yasid yenin dau dan, kaba, yen yemera mera geigouhw deitero. Aninim dag sogo mesira sug eigteh dau maga, kaba, emera mera touwero. Doba sug mesira gini eb se maga, kaba, era mera geigouhw toua terimda.

Doba sug yen meigdoc dag hom dara dan terimda, dara yen yebin areg dan desai dou yen gini se yen meigdoc mes toua, kaba, yen yacgeij dan Indina an areg yen youwan. Hanoba en emeic dou yen toues.

Dara yen yemedag dan insir dau sug yen yenin youci dan touwero. Doba dan danin douci yen. Hanoba dan deigdoumesa yen meijoho naugb yen yera mera einyana toua. Dara mera gin, kaba, emetaha dau yen touwero, doba eb naugb yen beb huhugb namcir. Sug yen yera mera dag gin, kaba, yen yacgeij ara ara dau dan Indina, hang en emeic dou yen toues. Anai yen yedag dan insir ginohob.

Dara aremer gororougb edreg dau aremer gororougb gus augwan, kaba, dag sud hom eic en mougt edug aud gomom naugb en mesir gini. Anai aremer gus ingma emedreg dau sug en ohw en mougt edug naugb len ginero.

Dangga astesda mesira gemera merero, kaba, en eigteh dau. Doba astesda mesira gera mera, kaba, en aos meh dau becabeci namcir. Dauntoba era mera geigouhw edreg dau nosa deit.

Dara dan deic gomnomna hom ucan dou yen toua dag yen meigdoc gororougwim namcir, aninim dag dan indoc gororougb yenohob.

Anai sug yen yera mera geigouhw einyana dag gini, kaba, yen yeigdoumesa dan Indina en moho deseino lusud. Dara yen yens yenin ainyes dou len dag yen yedag indan logodeh misen ginohob.

Sug Yesus esulou men logodeh eisaugb aremer graga augwan dauwohob, kaba, en eic gainyenara hom ucan dou len deit, endagai: Danin eng dedag anggur maga misen hom dous. Dara dan Indina, kaba, en edag mougt naugb en esedougwo sogo gin toua.

Doba gareg dau yen en asid enin dau dan namcir, kaba, dan Indina erba en dau men lo gini, hanoba en agac namcir. Aninim dag lusud sug len lerba sogo mesira dig medigo, kaba, sogo mesira agac toua. Hanoba len louci mesira gin augwan debinim naugb len lec se smougb toua namcir.

Dan dens dau areg graga augwan dou yen, dauntoba yen meigdoc momogo an ara hom touwero. Doba yen meigdoc agahugouhw an augwan mogud namcir. Aninim dag dan indoc momogo touwero, doba dan indoc agahugouhw an augwan touohob.

Anai sug yen meigdoc edag beim an areg dan darougb yen an gini, kaba, dan demobsara dau sug dan indoc gororougb yen touwero. Doba dan deicara daimo dangga an yen namcir, aninim dag dan Indina emobsara dau sug en medoc gororougb dan touwero. Doba en eicara dangga toua terimda, anai dan daimo areg en arougb dan an ginohob augwan gin toua namcirohob. Doba sug yen yemaimo areg dan darougb yen an ginero, kaba, dan indoc gororougb yen toua deitero.

Dangga hang, areg dan darougb yen an gin, kaba, dag yen meigdoc gororougwim namcir.

Anai sug yen meigdoc dag hom dara len, kaba, len merdoc mog mog an yenero. Doba len leigdoumesa yen meijoho dag meren lusud toua. Hanoba len merdoc gororougb yen toua namcir. Doba dan douci yen debinim dau len naugb danohob. Dangga hang, len merdoc gororougb yen toua deitero. Doba len merdoc mog mog an yen dous, anai yen meigdoc aninim dag len deit touwero.