Popular Bible Verses from LUKAS 8

Share

Wini sa lawu hang tane sa maeh ngintur ulun sa nyanrengei kabar yiru, balalu nyimuhni hawuang atei sa maeh nelang jujur. Here tatap batahan hampe kaiyuh wua.”

Wini sa lawu hang jubut barunrui ngintur ulun sa nyanrengei kabar yiru, kude khawatir neu pamelum here nelang hamen welum mewah nelang sanang hang dunia yiti. Katuluhni yiru nawenan here hampe puang uweng wua sa mihak.

Wini sa lawu hang tane batu ampar ngintur ulun sa hang tawuk karengei kabar yiru, narimeni anri sanang atei. Kude kabar yiru puang iwakat hawuang atei here. Here parisaya ekat erang pitus, kude hang tawuk purija hawi, here murtad.

Balalu Yesus kaeau ma kawan ulun sa umba hanye, “Wuah inun naun puang parisaya ma aku?” Here balalu wauh nelang takut. Balalu here kaeau anri sameh tenga here, “Hie satuuni ulun yiti hampe ngami parentah ma barat anri galumbang, nelang riwut barat anri galumbang nuu lenganni!”

Wini sa lawu hang lalan ngintur kawan ulun sa nyanrengei lengan yiru. Kude Iblis hawi palus hanrampas kabar yiru teka atei here, nampan here ada parisaya balalu nasalamat.

Puang uweng sa padina sa puang sagar dinung; nelang puang uweng sa narasia sa puang sagar tabungkar palus lalea rasa.

Wawei yiru karasa pagawianni haut rasa ulun. Balalu hanye hawi anri neter balalu ileku hang hadapan Yesus. Palus hanye nyarita hang hadapan ulun katuluh, wuah inun hanye ngawir Yesus, balalu panyakitni ware hang tawuk yiru jua. Yesus kaeau ma hanye, “Anakku, daya hanyu parisaya ma aku hanyu ware. Hulu tulak anri salamat.”

Kawan ulun sa umba Yesus tulak nunung hanye balalu ngele hanye. Here kaeau, “Guru, Guru, takam silaka!” Yesus ambuan balalu misuh barat anri galumbang sa ganjah igangulun yiru. Barat anri galumbang yiru taduh balalu danau ranai tuu.