Popular Bible Verses from LUKAS 3

Share

Dami udi katuluh ulun yiru nabaptis, Yesus pada nabaptis. Tawuk hanye rahat badoa, langit pauka, nelang Roh Alatalla minau ma ambau hanye sarupa kala wurung dara. Balalu naan rengei lengan Alatalla kaeau, “Hanyu anakku sa nasintaku. Hanyu ngampi sanang ateiku.”

Daya yiru hi Yohanes kaeau ma here katuluh, “Aku mambaptis naun makai ranu, kude die sagar hawi sa labis hante teka aku. Pakai nguka tadi sapatuni aku sika puang patut. Hanye sagar mambaptis naun makai Roh Alatalla nelang apui.

Tantarang makai pagawian naun sa naun tuu haut batobat teka kawan dosa naun! Ada naun ngunu kaeau hi Abraham hanyeyiru datu nini naun. Itung: Teka kawan watu yiti Alatalla sika sanggup ngulah katurunan ma hi Abraham!

Kapak haut nasadia pakai neweng kakau wua hampe ma kawan wakatni. Tatiap kakau sa puang bahasil mua maeh sagar nateweng palus naumpe mawuang matei apui.”

Yiru manyu kala sa nasurat hawuang buku Nabi Yesaya: “Naan ulun naterau-terau hang padang gurun, ‘Sadia lalan ma Tuhan, sanrata lalan ma hanye. Tatiap leba patut natimbuk, tatiap gunung anri wungkur nasanrata. Lalan sa eluk-ekul patut nakawitu, nelang lalan sa geung-munggu nasanrata. Kawan ulun hang litar dunia sagar kadinung Alatalla nyalamat murunsia!’ ”