Popular Bible Verses from LUKAS 19

Share

Nasaba' battui Ana' Ma'rupataua untu' amboyai siagang ampasalamaki tau sala oloanga.”

Akkiok-kio'mi ke'nanga angkana, “Nibarakkakimi Karaeng battua lalang arenNa Batara! Salewangangi ri suruga, nanipuji Allata'ala!”

Nakanamo Isa, “Anne alloa ikau siagang sikamma bone balla'nu, nipasalama' mako ri Allata'ala siagang nisare mako katallassang beru, nasaba' sossoranna tongko Abraham.

Ri wattunna anrapi' Isa mange anjoreng ri tujunna poko' kayua, accongami nai'. Nampa Nakana, “O Zakheus, naungko mae linta'! Nasaba' musti mangeA' ri balla'nu anne alloa.” Akkaro-karomi Zakheus naung, namange anruppai Isa, siagang sanna'mi rannuna nyawana.

Ri wattunna battumo ri balla'na Zakheus, ammentemmi nampa nakana ri Isa, “O Batara, lakupassidakkangi tawaruanna pa'barang-barangangku mae ri tu kasi-asia; namanna inai punna le'baki kutipu, lakubayaraki ammotere' sa'genna a'lappi appaka!”

Nia' todong siapa are tu Farisi ri alla'na anjo tau jaia. Nakanamo anjo tu Farisia ri Isa, “O, Pa' Guru, Kisuro sai anjo ana'-ana' gurunTa a'mereki'.” Appialimi Isa Nakana, “Patappaki angkanaya: punna a'mereki ke'nanga, la'gora-gorai anne batu-batua.”