Popular Bible Verses from LUKAS 13

Share

“Usaha mako antama' siagang numalo ri pakke'bu' seppaka. Nasaba' u'rangi! Jai sikali tau ero' antama' mingka takkulleai.

Nia'mo anjoreng sitau baine garring, lanri nia'na roh ja'dala' lalang ri kalenna. Na sampulomi assagantuju taung garring anjo bainea. A'bukku'mi siagang tena sikalimo nakkulle ammenteng. Nacini'na Isa anjo bainea, Nakio'mi Nakana, “Ibu', ta'lappasa' mako battu ri garrinnu!”

Nampa Napadongko' limanNa Isa irateanganna anjo bainea; na anjo wattua akkullemi ammenteng silalonna anjo bainea, nampa ammuji-muji ri Allata'ala.

Sikontutojenna, nia' tau ri boko dudu la'jari ri dallekang dudu, na nia' tau ri dallekang dudu la'jari ri boko dudu.”

Ri wattunna ambangung patanna balla' siagang natongko' pakke'bu'na, ammentengko pantaranganna ballaka nanukatto'-katto' pakke'buka nukana, ‘Karaeng, kisungke sai pakke'buka!’ Lappialimi anjo karaenga nakana, ‘Takuassengako angkana tau battu kemaeko!’

Tena sikali! Sikalipi pole Kupauangko angkanaya: Punna tena nutoba' battu ri dosa-dosanu, lamate kamma ngaseng tongko anjo ke'nanga.”

Mingka lanakanamo pole anjo karaenga, ‘Takuassengako angkana tau battu kemaeko. Bellako anrinni, ikau tau a'gau' ja'dalaka!’

Akkuta'nammi Isa Nakana, “Antekamma kajarianna punna ammarenta Allata'ala? Apa akkulle Kupare' pangngebarang ampakasingariangko? Lakammaminne pangngebaranna: Nia' silisere' parekang lamungang sannaka ca'dina lisere'na naalle taua nampa nalamung ri kokonna. Nampa attimbo anjo lamunganga, a'jari poko' kayu lompo. Battumi jangang-janganga appare' ru'mung ri tangke-tangkenna.”