Popular Bible Verses from LUKAS 11

Share

Manna pole ja'dala' ngasengko, mingka angngasseng tonjako assare apa-apa baji' mae ri ana'nu. La'biangampa Manggea ri suruga! LaNapassareangi RohNa mae ri tau appalaka ri Ia!”

Jari Kukanamo anne ri kau: Appala' mako nulanisare; a'boya mako nulanggappa; de'de'mi pakke'buka, nulanisungkeang pakke'bu'.

Nasaba' inai-nai appala', iami lannarima; inai-nai a'boya, iami langgappa; inai-nai a'de'de' pakke'bu', iami lanisungkeang pakke'bu'.

Jari Nakanamo Isa ri ke'nanga, “Punna appala' doangko, kammaminne batenu a'bicara, ‘Manggea, IKattemi Allata'ala Tenaya Ruanna. Poro iKatte nisomba siagang nipakala'biri'.

Kipammopporangi dosa-dosana ikambe, Nasaba' ikambe anne napammopporang tommi sikamma tau kasalanga ri kambe. Siagang teaKi' balang parekangi ikambe nibeta ri paccobaya.’ ”

Kisarei allo-allo kanre naparalluanga ikambe.

Anjo mataya iami sulona batangkalea. Punna tangkasa' matannu, lasingara' sikali tommi sikontu batangkalennu. Mingka punna ra'masaki matannu, lasassang makkapu' tommi sikontu batangkalennu.

“Tenanniakka tau apparinra lampu, nampa nacokko yareka natongko' katoang. Passangalinna lanaboliki anjo lampua irate ri pa'dongkokanna, sollanna akkulle nicini' singara'na ri tau antamaka ri balla'.