Popular Bible Verses from PA'JARIANG 49

Share

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

Yusuf rapangi keledai rungka, keledai liara' ri ampi' timbuseng je'ne', lari-laria rate ri moncong. A'bakka tojemmi musua, angngondangi siagang pana.

Mingka tuli kassa'na limanna, tuli jarre'na panana, lanri koasana Pakalawaki Magassing, Allata'alana Yakub, Pajagana Israel. Allata'alana manggenu antulungko; Kaminang Koasaya ambarakkakiko siagang je'ne' bosi battu ri langi' na je'ne' battu rawa ri butta. Siagang ana' kammayatompa sapi

Yehuda, ikau angkokkoki kacikoro'na musunnu; lanipujiko ri sikamma sari'battannu siagang su'juki ri dallekannu. Yehuda sanrapangi singa rungka; punna le'baki ammuno, ammotereki mange ri ru'munna; anggilingi nampa attinro manna sitau tania' barani mange anronrongi.

Ruben, anakku toaya, ikaumi kagassingangku, rappo uruna kaporeangku. Ikau kaminang gammara' siagang kaminang gassing ri alla'na sikontu anakku. Lu'mukko ta'goccang sanrapang je'ne', sa'genna teai mako makase're; saba' attinroko siagang baine piaraku, nura'massi katinroanna manggenu.