Popular Bible Verses from YAHYA 14

Share

Ba'na edina'ana kataremtemman bi' Sengko'. Tang kataremtemman dibi' se bi' Sengko' ebagiya ka ba'na. Se ebagiya bi' Sengko' reya ta' padha ban baberri'na dunnya ka ba'na. Ja' ngalengsang, ja' tako'.

Dhabuna Isa, “Sengko' reya jalan mon terro kennala ka Allah ban terro olleya kaodhi'an. Tadha' oreng se bisa entar ka Rama mon ta' lebat Sengko'.

“Ba'na ta' osa kobater otaba ngalengsang,” ca'na dhabuna Isa ka red-moredda. “Paparcaja ka Allah, ban paparcaja keya ka Sengko'.

Tape Errohna Allah, Se Panolong se bakal eotosa Rama kalaban Tang nyama, jareya se ngajarana ba'na parkara apa'a bai ban maenga' ka ba'na pa-apa se la ekabala bi' Sengko' ka ba'na.

Oreng se narema Tang ta-parenta ban ajalannagi ta-parenta jareya, oreng jareya taresna ka Sengko'. Oreng se taresna ka Sengko' bakal ekataresnae Tang Rama. Bariya keya Sengko' bakal taresna'a ka oreng jareya, ban Sengko' anyata'agiya Tang aba' ka oreng jareya.”

Sengko' nyo'ona ka Rama, ban Rama bakal marengana laenna ka ba'na, iya areya Se Nolong, se asarengngana ba'na salanjangnga. Jareya Errohna Allah se anyata'agiya pa-apa se bendher parkara Allah. Dunnya ta' bisa narema Errohna Allah jareya polana ta' nangale'e ban ta' kennal. Tape ba'na la kennal ka Salerana, sabab Errohna Allah jareya apolong ban ba'na ban bakal daddiya settong ban ba'na.

Ban apa'a bai se epenta ba'na kalaban Tang nyama, bi' Sengko' elakonana, sopaja Rama eagungngagi lebat Pottra. Apa'a bai se epenta ba'na kalaban Tang nyama, bi' Sengko' elakonana.”

“Mon ba'na taresna ka Sengko', ba'na tanto ajalannagi pa-apa se eparenta'agi bi' Sengko'.

E kalenggiyanna Tang Rama bannya' kennengngan. Sengko' dha' essa'a nyadhiya'agiya kennengngan kaangguy ba'na. Sengko' ta' kera ngoca' kantha jareya ka ba'na mon pajat enja'.

Saellana entar nyadhiya'agi kennengngan kaangguy ba'na, Sengko' abaliya ngoneyana ba'na, sopaja ba'na badha'a e kennengngan se ekennengnge Sengko'.

Tomas laju mator ka Isa, “Guste, abdidalem sadaja ta' oneng meyosa ka ka'dhimma Junandalem; kadi ponapa se onenga ka jalanna?”