Popular Bible Verses from KADADDIYAN 37

Share

E settong malem Yusup amempe, ban e bakto mempena jareya ecareta'agi ka tan-taretanna, tan-taretanna jareya sajan ce' baji'na ka Yusup.

Yakub aneserran ka Yusup etembang ka tra-pottrana se laen, sabab Yusup jareya lahir e bakto Yakub la seppo. Bi' Yakub Yusup ebadhiyagi juba se ce' bagussa.

E bakto tan-taretanna tao ja' eppa'na aneserran ka Yusup etembang ka tra-pottrana se laen, tan-taretanna jareya laju ce' baji'na ka Yusup sampe' ta' endha' acaca manes sakale ka ale'na jareya.

Yusup pas amempe pole, sarta laju acareta ka tan-taretanna, “Sengko' amempe pole; pangrasana sengko' nangale'e are, bulan ban bintang sabellas meggi' asojud ka sengko'.”

Yusup ekadenggi'i bi' ka'-kaka'na, tape parkara jareya kabbi bi' eppa'na terros esempen e dhalem panggaliyanna.

Ca'na Yusup, “Mara edhingngagi, ya; sengko' amempe. Pangrasana sengko' ban ba'na kabbi badha e teggal agintel gandum. Tang gintelan sodek, dineng gintelanna ba'na kabbi badha e sakalenglengnga tang gintelan, padha mennot akantha se asojud ka tang gintelan jareya.”

Mara pate'e, mayyidda pas ontallagi ka dhalem sala settongnga somor se kerreng. Ka eppa' kabala ekakan burun alas. Mara pas tenggu, baramma daddina pe-mempena rowa.”

ban e bakto badha gar-sodagar Midian lebat e jadhiya, Yusup epakalowar bi' ka'-kaka'na dhari somor gella' laju ejuwal ka reng-oreng Isma'il. Argana dhu polo pesse salaka. Saellana jareya Yusup laju egiba ka Messer.

Ca'na tan-taretanna jareya, “Abas, wa, tokang mempe rowa entar dha' enna'.

Dhari jauna Yusup la etangale'e bi' tan-taretanna. Sabellunna Yusup napa' ka jadhiya, tan-taretanna padha asakongkel sarta motose mateyana Yusup.

“Cabbur ka somor e ra-ara reya bai, tape ja' pokol ban ja' paloka.” Ruben ngoca' kantha jareya polana andhi' karep nolonga Yusup dhari somor jareya, pas egiba'a mole ka eppa'na.