Popular Bible Verses from KADADDIYAN 32

Share

Dhabuna oreng jareya, “Molae sateya nyamana ba'na banne Yakub pole. Ba'na la akeket ban Allah sarta ban manossa, ban ba'na mennang; daddi nyamana ba'na sateya oba daddi Isra'il.”

Oreng jareya adhabu, “Mara, sengko' ocol, sateya la para' moncara are.” “Bunten, junandalem ta' eocola, kajabana manabi abdidalem eberkadi dhimen,” atorra Yakub.

Samarena, Yakub dibi' gi' nyeccer e budhi, kadibi'an, ta' noro' alengka songay jareya. O-tao pas badha oreng lalake', oreng jareya laju akeket ban Yakub sampe' para' seyang.

Ca'na Yakub, “Sengko' nangale'e Allah, dhep-adhebban, tape sengko' gi' odhi'.” Daddi kennengngan jareya bi' Yakub enyamae Peniel.

E bakto oreng jareya arassa ja' ta' kera bisa'a makala Yakub, Yakub laju epokol epateppa' e bangkongnga, sampe' tolangnga bangkongnga jareya locot dhari cacopona.

“Sapa nyamana ba'na?” dhabuna oreng jareya. “Yakub,” saodda.

Atorra Yakub, “Samangken ngereng abdidalem parenge oneng pasera asmana junandalem.” Tape oreng jareya adhabu, “Ba'na ta' osa tao ka tang nyama.” Saellana jareya Yakub laju eberkadi.

Abdidalem ta' pantes narema kabellasan sareng kaestowannepon Junandalem akadi se ampon kalakon. E bakto abdidalem alengka Songay Yordan abdidalem ta' ngeba pa-ponapa kajabana tongket. Samangken abdidalem abali ka ka'dhinto abakta reng-oreng sareng bin-ebin se epecca daddi dhu bagiyan ka'dhinto.

Sampe' sateya oreng Isra'il ta' endha' ngakan daging e bagiyanna cacopona tolangnga bangkong, polana Yakub ekenneng pokol e bagiyan jareya.

Yakub laju adu'a, oca'na, “Adhu, Guste Allah se esemba Ibrahim emba abdidalem sareng Ishak eppa' abdidalem, peyarsa'agi parnyo'onan abdidalem, GUSTE. Sareng Junandalem abdidalem epakon abali ka nagara abdidalem, akompol sareng la-bala abdidalem. Junandalem adhabu badhi ngator sadajana sopaja tadha'a alangan pa-ponapa ka abdidalem.

Nyo'ona salamet abdidalem, Guste, sopaja ta' kantosa ekaneyaja Esau, taretan abdidalem. Abdidalem tako' manabi Esau nyerrang sareng mate'e abdidalem sadaja, tamaso' jugan babine'an sareng na'-kana'.