Popular Bible Verses from KADADDIYAN 26

Share

Sengko' ajaga'a ban aberkadana ba'na. Tana reya bi' Sengko' ebagiya ka ba'na ban na' potona. Sengko' neptebbana Tang janji ka Ibrahim ramana ba'na.

Sengko' aberri'a ka ba'na toronan sabannya'na, akantha bannya'na bintang e langnge', ban sakabbinna tana reya bi' Sengko' ebagiya ka toronanna ba'na jareya. Sakabbinna bangsa e bume bakal nyo'ona ka Sengko' sopaja bi' Sengko' eberkadana epakantha toronanna ba'na. Sengko' aberkadana ba'na, polana Ibrahim ngestowagi Tang parenta ban neggu'i sakabbinna Tang hokom ban Tang parenta.”

Saellana jareya Ishak ngalle dhari jadhiya, laju ngale somor pole. Se jareya ta' daddi tokar. Daddi somor jareya bi' Ishak enyamae Rehobot, artena “Kabebasan”. Dhabuna, “Sateya sengko' ban ba'na bi' PANGERAN eparenge kabebasan neng e nagara reya, e dhinna' sengko' ban ba'na bakal ma'mora.”

Kan nyo'on kantha jareya polana PANGERAN ngaton ka salerana laju adhabu, “Ba'na ja' entar ka Messer; neng e nagara reya bai, kantha se la eparenta'agi Sengko' ka ba'na.

Ishak laju abadhi mezba, pas abakte ka PANGERAN e kennengngan jareya. Ishak akemah e jadhiya, dineng di-abdina laju ngale somor laen.