Popular Bible Verses from CARETANA PARA RASUL 9

Share

Tape Pangeran adhabu ka Ananiyas, “Ella kassa' la mangkat! Sabab oreng jareya bi' Sengko' la epele kaangguy aladine Sengko', sopaja aberta'agiya parkara Sengko' ka sa-bangsa laen se ta' nganot agama Yahudi ban ka to-rato sarta ka ommat Isra'il keya.

Saulus labu ka tana, laju ngedhing badha sowara adhabu kantha reya, “Saulus, Saulus! Arapa ba'na me' nganeyaja Sengko'?” “Pasera Junandalem, Guste?” ca'na Saulus. Sowara jareya nyaot, “Sengko' reya Isa se ekaneyaja ba'na.

Daddi Ananiyas pas entar ka bengko jareya, laju nompangngagi tanangnga ka Saulus sambi ngoca', “Taretan Saulus, Guste Isa se etangale sampeyan e tengnga lorong e bakto sampeyan meyosa ka'anja, makon kaula entar ka'anja sopaja sampeyan ngoladi pole sareng ekobasae Errohna Allah.” E bakto jareya keya badha barang akantha sesse'na juko' gaggar dhari matana Saulus, ban Saulus jareya laju nangale'e pole. Saulus manjeng, laju ebaptis.