Popular Bible Verses from Diarhebion 15

Share

Ateb arafaidd a ddetry lid: ond gair garw a gyffry ddigofaint.

Addysg doethineb yw ofn yr ARGLWYDD; ac o flaen anrhydedd yr â gostyngeiddrwydd.

Pren y bywyd yw tafod iach: ond trawsedd ynddo sydd rwyg yn yr ysbryd.

Ofer fydd bwriadau lle ni byddo cyngor: ac mewn amlder cynghorwyr y sicrheir hwynt.

Calon lawen a wna wyneb siriol: ond trwy ddolur y galon y torrir yr ysbryd.

Ym mhob lle y mae llygaid yr ARGLWYDD, yn canfod y drygionus a’r daionus.

Gwell yw ychydig gydag ofn yr ARGLWYDD, na thrysor mawr a thrallod gydag ef.

Gŵr dicllon a gyffry gynnen: ond gŵr hwyrfrydig i lid a dyr ymryson.

Calon y cyfiawn a fyfyria i ateb: ond genau y drygionus a dywallt allan ddrwg.