Popular Bible Verses from 1 Cronicl 16

Share

Ceiswch yr ARGLWYDD a’i nerth ef, ceisiwch ei wyneb ef yn wastadol.

Clodforwch yr ARGLWYDD; canys da yw: oherwydd ei drugaredd sydd yn dragywydd.

Moliennwch yr ARGLWYDD, gelwch ar ei enw ef, hysbyswch ei weithredoedd ef ymhlith y bobloedd.

Ymlawenychwch yn ei enw sanctaidd ef; ymhyfryded calon y sawl a geisiant yr ARGLWYDD.

Cofiwch ei wyrthiau y rhai a wnaeth efe, ei ryfeddodau, a barnedigaethau ei enau

Cenwch iddo, clodforwch ef, ymadroddwch am ei holl ryfeddodau.

Canys mawr yw yr ARGLWYDD, a chanmoladwy iawn: ofnadwy hefyd yw efe goruwch yr holl dduwiau.

Moeswch i’r ARGLWYDD ogoniant ei enw: dygwch aberth, a deuwch ger ei fron ef; ymgrymwch i’r ARGLWYDD mewn prydferthwch sancteiddrwydd.

Gogoniant a harddwch sydd ger ei fron ef: nerth a gorfoledd yn ei fangre ef.

Cenwch i’r ARGLWYDD yr holl ddaear: mynegwch o ddydd i ddydd ei iachawdwriaeth ef.

Adroddwch ei ogoniant ef ymhlith y cenhedloedd; a’i wyrthiau ymhlith yr holl bobloedd.

Na chyffyrddwch â’m heneiniog, ac na ddrygwch fy mhroffwydi.

Oherwydd holl dduwiau y bobloedd ydynt eilunod; ond yr ARGLWYDD a wnaeth y nefoedd.

Cofiwch yn dragywydd ei gyfamod; y gair a orchmynnodd efe i fil o genedlaethau

Ymlawenyched y nefoedd, ac ymhyfryded y ddaear; a dywedant ymhlith y cenhedloedd, Yr ARGLWYDD sydd yn teyrnasu.

Bendigedig fyddo ARGLWYDD DDUW Israel, o dragwyddoldeb hyd dragwyddoldeb. A dywedodd yr holl bobl, Amen, gan foliannu yr ARGLWYDD.

Moeswch i’r ARGLWYDD, chwi deuluoedd y bobloedd, moeswch i’r ARGLWYDD ogoniant a nerth.