Popular Bible Verses from MATIUS 6

Share

Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

Kalana aijo', boli bata-bata mongkona sinaa dodop. Kalana dodop koposi bata-batanyo. Sinaa uuka sukupmo na kasusa'annyo bolimo daagi o tuangi mule'.”

Kalana aijo' o inau'; boli bata-bata i kantumuu'anum apaa na anu o kaan miu ka' o inum, kabai apaa na anu o pake miu. Te misa' kantumuu'an molingkudui anu o kaan, ka' butong molingkudui pakean?

Panyo de komiu balado'a, pinsoop i salipi' ka' tumban na sabatan, lantas balado'a hi Tuumaum anu madi' kantoan aijo'. Saba' Tuumaum na montoa palabuatanum anu sulu-suluk mombee'je tamboonyo hi beleyum.

Jadi balado'a sumo uuka, ‘Tuuma mami isuluga': Sa'a-sa'angu'nyo kita na Tumpu. O'amalakon kitamo na anu o sombah ka' anu o'angga'i. Kitamo na Tomundo' mami. O'amalakon kitamo na mompalentah i dunia ka' kahanda'to o tuluti sumo i suluga'.

Bee'i mae sinaa aiya kaanon anu o palalui mami.

Ampuniakon na kasala'an mami, sumo kami mongampuni mian anu mombau sala' hi kami.

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

De komiu mongampuni mian anu mombau sala' hi beleyum, Tuumaum i suluga' suele mongampunije kasala'anum.

Toa na tomonsi' i langa. Aha madi' mosu'an, madi' mompadak, ka' madi' mule' mompolimu' hasin anu sinu'annyo i uno nu alang. Mau mule' sumo aitu Tuumaum anu i suluga' mompotuu' aha! Te misa' komiu lebe ko angga'nyo molingkudui tomonsi'?

“Boli molimu' halata' da bau kapalaluan nu butongum i dunia, iya na ane' ka' atak timbali mongidei, ka' tololang toka montomang. Panyo mule' limu' na halata' i suluga', iya na ane' ka' atak madi' mongidei, ka' tololang madi' toka montomang. Kalana iya na ko halata'um, i kiijo' suele na kinyonyoaum!”

“Madi' ko samian pe'e timbali mokalaja hi ohua' na tuan. Kalana ia lebe mongkalibosi samian molingkudui anu sangga'at. Kabai ia lebe mohongo-hongo hi tuan samian molingkudui sangga'at. Sumo aitu suele na komiu. Komiu madi' timbali mokalaja bau kapentingan nu Tumpu ka' bau kapentingan suele i halata'.

Hemput i padang tumuu' sinaa aiya, ka' dodop o papui mingkotmo. Panyo Tumpu mompakei hemput aijo' kino ima'nyo. Apaa mule' komiu! Panyo komiu madi' talalo palesaya!

Panyo komiu, de komiu mombee' sadaka', bee'mo hoko-hokot, da madi' ko anu monsumbu'. Bakas na palabuatanum aijo' madi' nu sumbu' mau pe'e ihe, boli mompiakon Tuumaum i suluga'. Ia montoa palabuatanum anu sulu-suluk aijo', ka' mombee'je tamboonyo hi beleyum.”

“O inau', boli komiu mompojalan palentah nu agama i ahop nu mian da'isan da nu toa nu mian. De komiu mombau sumo aijo', komiu madi' mohumpak tamboo nu Tuumaum i suluga'.

“De komiu bapuasa', boli mompotoa ohup susa', sumo mian anu mimpula-pula. Aha mombali'i lupa nu ohupnyo da iwi-iwi' na mian monsumbu' au'aitu aha bapuasa'. O inau' aijo'mo na tamboonyo anu tinalimamo nu aha. Panyo de komiu bapuasa', pi'ohupi na ohupum ka' o subat na ubakum, da madi' ko anu monsumbu' saba' komiu bapuasa', sangadinyo Tuumaum anu madi' kantoan aijo'. Ia montoa palabuatanum anu sulu-suluk aijo', ka' mombee'ije tamboonyo hi komiu.”