Popular Bible Verses from MATIUS 28

Share

Kalana aijo' lako'mo hi iwi-iwi' na bansa ka' songko-songko na dunia potimbali na aha anu saja' mombatuki Aku. Opalamandikan na aha ka' o sanggo na sanggo nu Tuuma, ka' Anak, ka' Roh nu Tumpu Allah. O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

Malaikat aijo' notatae hi to bou-boune aijo', “Boli mabuhuk! Kusumbu' komiu molio i Yesus anu sinalibmo aijo'. Ia madi'mo ko anu i aiya. Ia po'ule'mo tinumuu', sumo anu Tinaeakon-Nyomo u'utu mae. Imbo' ka' toa na tampat-Nyo pinompomale'an Ia.

“Boli mabuhuk,” koonyo i Yesus hi aha, “Lako' poto'iakon hi to utu-utus-Ku da aha mamba mokiijo' i Galilea; i kiijo' mae aha montoaje Aku.”

Kapala nu to Ima-imam aijo' binasale' tiba to pola-polaya' nu Yahudi, lantas nombee'i doi manjoo' hondo hi suludadu anu monjagai aijo', ka' notatae, “Komiu tionyo montaloakon, saba' anu saja' mombatuki Yesus aijo' tinokamo pihi-pihi, ka' nombuling mayat-Nyo tempo'nyo hau-haunyo komiu hoyot. Ka' de i gubernur mohongo han aijo', osale'ije mami na ia da komiu madi' opoposia.” Saba' suludadu anu monjagai aijo' nongala doi aijo' ka' nombau sumo anu pinoto'imo hi aha. Kalana aijo, sisik aijo' daagi' saja' togilele hi mian nu Yahudi sampe sinaa aiya.