Popular Bible Verses from MATIUS 11

Share

Tokamo mae hi beleng-Ku na komiu iwi-iwi' anu malawe, ka' anu mongoa'i koboatnyo nu boaon; Aku mompilaweije komiu.

Batuki na palentang-Ku, ka' balajan pe'e hi beleng-Ku. Sabab Aku aiya madi' bohipusaon, ka' madi' ko kinti-kinti, sahingga komiu tompilawe.

Sabab to pale-palentang-Ku momposanang, ka' boaon anu Kuposimbu hi komiu laing.”

Lantas i Yesus notatae, “Iwi-iwi na apaa pinotalimamo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' ko anu monsumbu' Tuuma de misa' Anak, ka' to mia-mian maumo ihe na Anak aijo' monsisikakon Tuuma.

I Yesus nontaami, “Pinsusule' hi Yohanes ka' opoto'iakon apaa na anu i hongomo miu ka' tinoamo; Mian anu mapisok montoa, mian anu lupe moko lumajang, mian anu ko panyakit kilit anu okabuhuk ma'alin; mian mabongon nohongo, mian anu mate po'ule' tumuu', ka' Lele Ma'ima' lengkat hi Tumpu opotokakon hi to mia-mian kasiasi.

De daagi' ko bihing, pohongo!