Popular Bible Verses from LUKAS 3

Share

Salatan iwi-iwi' na mian aijo' pinalamandikanmo, i Yesus suele pinalamandikanmo. Ka' hau-haunyo Ia binalado'a langit tinabuka'mo, ka' Roh nu Tumpu nintau'mo i buan-Nyo sumo tomonsi' malapati'. Lantas i hongo na potatae nu Tumpu nontaloakon, “Beleyum na Anak-Ku, anu Kuku kalibosi. Beleyum momposanang kinyonyoang-Ku.”

Mokonyo aijo', i Yohanes notatae hi aha iwi-iwi', “Aku mompalamandikan komiu nu uee, panyo tokajemae na mian anu lebe daka' molingkudui aku. Mombukai segot nu sapatu-Nyo pe'e, aku madi' pantas. Nupalamandikanje na komiu nu Roh nu Tumpu ka' apu.

Potoa'i kalakuanum, de komiu binala tobatmo, madi'mo mombau dosa-dosa' miu! Boli montampu'uni motatae, tukoo miu i Abraham aijo' mompolee' miu! Inau': Te batu pe'e aiya, Tumpu moko ala mombau lee' i Abraham!

Bobolo' sinadiamo pontaa' kau' toka i baka-bakatnyo. Batu-batu anu madi' mimbua' ma'ima' o taa' ka' o alin i uno nu apu.”

Aijo' pokakana anu tinulis i uno nu Kitab Nabi Yesaya: “Daagi' ko mian anu molo-moloboo' i padang bone', ‘Posadia na jalan nu Tumpu, pohata na kajalanan-Nyo. Iya na anu ma'oa' o tabuhi, iya na bungkutnyo ka' puge'nyo opohata. Jalan anu minggeo-geo', tionyo opohodi', ka' jalan anu milebo-lebok opohata. Songko-songko na mian i dunia montoaje Tumpu momposalamat mian!’ ”