Popular Bible Verses from YOHANES 12

Share

Mian anu mongka'oho' mohongo Aku, tionyo mombatuki Aku; da posaihon-Ku mo'imboa ka' Aku i tampat kajojoongan-Ku. Mian anu mohongo Aku, nu angga'i nu Tuumang-Ku.”

Mian anu mongkalibosi kantumuu'annyo, saidi' mae molapus na kantumuu'annyo. Panyo mian anu mongka'ideki kantumuu'annyo i dunia aiya, tionyo mompokopiani da tumuu' kopian ka' da' toka sidu-sidutu'.

Totu'u hondo na potataeng-Ku aiya: De sambatu na gandum madi' o tugan i uno nu tano' ka' mate, ia tataap samba-sambatunyo. Panyo de batu nu gandum aijo' mate, atina'je ka' mohasinakon manjoo' na gandum.

Aku toka i dunia aiya sumo jingka, da iwi-iwi' na mian anu palesaya hi beleng-Ku boli jojoong i uno nu pintung.

Mian anu mohongo apaa na anu Kupogulu', panyo madi' mombatuki – misa' Aku na mohukum ia. Kalana Aku toka misa' momputusi palakala nu dunia aiya, panyo da momposalamat.

Lapas aitu i Maria nomboa mae kila-kila mintonga' na liter minya-minya' manohong narwastu, lampa-lampa anu manohong na binau ka' mahan hondo na olinyo. Ia nondudu'akon minya-minya' aijo' i tengke i Yesus, ka' sinapuannyo nu ubaknyo. Sinongko nu nohong na laigan aijo', kalana minya-minya' aijo'.

Aha nongala te hoon nu palem ka' namba nolabot Ia, baloo nontaligalai, “Puji'mo na Tumpu! Balakatiakon na ia anu toka momboa sanggo nu Tumpu. Balakatiakon na Tomundo' nu Israel!”

I Yesus notatae hi aha, “Tempo'nyomo Anak nu Mian opopodaka'.