Popular Bible Verses from SISIKON NU TO RASUL-RASUL 1

Share

Panyo komiu mohumpakje kuasa, de Roh nu Tumpu tokamo hi komiu. Ka' komiu timbalimo bau sakisi-sakising-Ku i Yerusalem, i songko-songko Yudea, i Samaria ka' toka-toka i puus nu tano'.”

Tinaaman i Yesus, “Posi Tuumang-Ku na anu montantukan sinaa ka' tempo'nyo. Aijo' madi' palalu osumbu' nu komiu, kalana aijo' hak nu Tuumang-Ku.

Ka' tempo'nyo Ia sinilimu'mo tiba aha, Ia nombee'imo palentah aiya hi aha, “Boli opala'i na Yerusalem. Tanda'i kiijo' sampe Tuumang-Ku mombee'mo apaa na anu jinanji'-Nyomo, aijo'mo anu noko poto'ing-Kumo hi komiu u'utu mae. Kalana i Yohanes mompalamandikan nu uee, panyo daagi' to pia-pian sinaa komiu opalamandikanmo nu Roh nu Tumpu.”

Ilapas Ia sinilaka kopinnyo patom pulu' na sinaa Ia toto minsan saja' manintoa nyata-nyata' hondo hi to rasul-rasul aijo' pomponyata'-Nyo saba' Ia totu-totu'u tinumuu'mo. Aha nontoamo Ia, ka' Ia notataemo hi aha mongkona mosia na Tumpu mompalentah sumo Tomundo.

Noko potatae na i Yesus sumo aijo', Ia i hangkatmo nokiita' i suluga' i ahop nu mata nu aha, ka' sehu' nongkulubimo Ia, madi'mo tinoa nu aha.

Hau-haunyo aha daagi' nonsinda mokiita' i langit, tempo'nyo i Yesus tinalahangkatmo, monti-montiik ua'aha na mian nibaju' mopute' tinuminjomo i sohipi' nu aha. “Hee, to mia-mian nu Galilea,” koonyo nu ua'aha na mian haha aijo', “kadaka' komiu ola tuminjo atina' monsinda langit? I Yesus anu tinoa miu tinalahangkatmo nokiita' i suluga' atina' i ahop miu, po'ule'je minsusule' mae susumo atina' anu tinoamo miu u'uka aiya.”