Popular Bible Verses from LUKAS 7

Share

Jadi kuuli ka komi, Simon, nggari kabete towe besi e'i nantujuraka silakana to nadeana etu niampungi Alatalamo. Ane tau niampungi aga sakedi aga sakedi wo'u pompotowena.” Pade nangulimo Yesus ka besi etu, “Silaka-silakamu naopu puramo niampungi.”

Tapi nangulimo Yesus ka besi etu, “Sabana iko nomparasaya nipakasalamamo iko. Patinggulimo iko ante mabelo!”

I'a narata nompakamosu kada Yesus nggari talikuna pade nageo. Pade ue matana nisasiina ka kada Yesus, pade nipe'ena kada Yesus ante wo'ona sampe nabai. Naopu etu kada Yesus niekina pade nitolina minya wongi etu.

Aku mboto wo'u da'a masipato marata ri ja'imu. Aga ulimo sambela rombela pade batuaku etu kana mabelo. Ninjaniku i'a kana mabelo sabana aku wo'u samba'a tau to natundu ri ja'i balenggaku. Pade naria anabua-anabua to natundu ri ja'iku wo'u. Ane aku manguli ka samba'a anabua, ‘Kalaumo,’ i'a kana malau. Pade ane aku manguli ka anabua ntanina, ‘Kamaimo se'i,’ i'a kana momai. Pade ane aku manguli ka batuaku, ‘Powiamo e'i,’ i'a kana mowia etu.” Tempo Yesus nangepe tesa etu nasumaramo I'a, pade niulina ka tau dea to nantuki I'a, “Natantu mpu'u pomparasaya tau etu! Nau ri ja'i ntau to Israel da'a ria sanggani nirataku pomparasaya ntau to naroso ewa pomparasaya ntau e'i!”

Tempona etu nadea tau naju'a nipakabelo Yesus, pade nadea seta nipopalaina nggari ja'i ntau, pade nadea toburo nipakabelona sampe namala ira nekita bali. Jadi nesonomo Yesus ka ira to nipakau Yohanes etu, “Panjilimo komi mpaka ri ja'i Yohanes, pade tesamo ka i'a pura-pura nuapa to niepe pade nikita komi. Tau naburo namala nekita, tau napunggu namala nolumako, tau naju'a bete nipakabelo bali, tau nabongo namala neepe, tau namate nipakatuwu bali, pade Kareba Belo nggari ja'i Alatala nipatolele ka tau napakasi.