Popular Bible Verses from Matius 28

Share

Sane nin mu mo yewis mwa ne sino mo bur ré iwedewe, ete nin duno nje subere yé ne tepsu Ji bi pakon, ete nin ras nje ne mo syur sisu men bi Ai, Yefun Allah gum, sisu Yefun Allah bi Gan gum sisu Yefun Allah Gen gum ne sino et. Nin duno nje ne subere yé ne benbot suk mwa ne sino gato Ji syogat nin ben ne. Nin jammo suk gato Ji ki ré et, nin mu duno nje yo, bere Ji sisu nin petok sor kom mo kapyo mato kapyo.”

Orete Yefun Yesus ma karowa pakon ne, ete An ki do, ”Yefun Allah bes ji gum tepsu Yekwesu mo gu nim si bur ré sino.

Malaikat ne ki nai nggon we ne do, ”Nin nyu nde. Ji jam do, nin meret Yefun Yesus gato ye mban mo kwesukwin ne, sarewo An yo more nde, An mbau re, An sun re, saga nyim neya An dakai ki nai nin jam. Nin ka we dakai ma me nat gato ye grem An mukri mone.

Yefun Yesus ki do, ”Nin nyu nde. Nin mu ki nai Ji bi pakon ne do, pakon ne mu sakanwa Ji mo bur Galilea. Bere án ku Ji motu.” Sane nggon we ne mu.

Yekwesú mo Yefun Allah bi nu ne si ye Yahudi bi yepasye sum wa kibot sukdu ne sa, án fro sukdu su yesukmise ete syo sugum mwa nai yesukmise ne. Orete án ki nai yesukmise do, ”Nin ki sare do, ’Noru miten ne, men sem mit saresa, Yesus bi pakon ma syimsi An mukri ete gwat mu re.’ Bere men frot koita nai yekwesu gato gum gubernur. Men bidek an subere nin yo ku sukye mone nde.” Sane yesukmise gwat sugum ne, ete ki bi sukdu-i tepsu suk gato yepasye ne ki ne. Sukdu gato ye ki do, Yefun Yesus bi pakon mu syimsi An mukri ne, yé ki frekbot ye Yahudi bi nat-i mwa ne sino kom mo kam ré re.