Popular Bible Verses from MARKUS 11

Share

Rowi do mina harre ke, henge we ri mu ne nadhe: Kinga dhai mu ta hebhajha jhe ami heworawwu lai, parahajha we ta do alle ke pewie ri Deo ne nga ne do ame ri mu ne.

Tarra-tarra do nara mu ta lii pa bhojo do nadhe, ’Dhede-anni we jhe hora-anni we la dhara dahi!’ mo ko ne lai do na poanne do ta tao ma tu mu; hadhi we mu ta do dho keba'a-kepapi jhe do parahajha ta do ne nga we do pale rowi mu, napoanne do ta jadhi tarra-tarra ma.

Jhe kinga hebhajha mu, tapulara ne ade mu adho do mengallu dhara penaja nga heddau, pehuba kowe ne ddau napoanne uru jhara, mita ie ri Ama mu do era pa era do mmau do megala ne le ma ta pehai-pehuba ne lubhu harro nga menyilu mu. [

Ta bhale ke ri Yesus, ”Parahajha we pa Deo.

Alla pemina harre ta ajha ke ri Yesus ne ddau-ddau do era pa anne. Ta lii ke No, ”Pa dhara Buku Lidara-Likewahhu Deo era do hure do bhuke Do lii Deo, ’Ammu Ya dhe, do ta pale ta ammu era hebhajha hari-hari ddau-rai.’ Tapulara pejadhe ri mu ta nyabbhu do mena'o we!”

Hari-hari ddau, ie ta do pa hedhapa, mina harre lema do pa kejhunga he do nga hodho nga peka, ”Waje we Deo! Lua tarro ie nga menyarro mangngi tu No do dakka pa dhara ngara Muri!

Medii-melatu ne lua pereda No do medae ta dakka ne – lua pereda Daud ama-appu di! Wue-wa je we ne ngara Deo do Dhida do Ketutu ne!”