Popular Bible Verses from MATIUS 16

Share

Ta alla pemina harre ta lii ke Yesus pa ana hekola No he, ”Ddau do ddhei ta pedute Ya, do jhamma ta awi la kejhunga ne lua paralu ngi'u no, jhe dhue hape ne ajhu ketoe no, jhe pee nga pedute Ya.

Ri do mina harre ke, au ke Petrus, pahiae do dho i'a kerattu wari. Pa dhida pahi do nadhe ke do ta petito ne gereja Ya, do adho ke do nara ta jharra ri, maji lema ta ri lua made mada!

Do ta jhole ke ri ya ne ana kuhi Raiwawa Deo Do Wowiu ne pa au. Nenga we ne do labbe ri au pa danni raiwawa, nopoanne lema do ta labbe pa era do mmau do megala ne. Jhe ne nga ne do pemole ri au pa raiwawa dhe, na poanne lema do ta pemole pa era do mmau do megala ne.”

Rowi ddau do ddhei ta jage ne muri mada no, do medae ta ele ngati no. Tapulara tu ddau do jhole ne muri mada no taga Ya, do ta hamme ri no ne muri mada ne.

Ne nga ke ne lua mangngi tu heddau kinga unu ke ri no hari hewue raiwawa dhe, tapulara jhe do ele ne muri mada no? Nara marra ne muri mada dhe ta pehure nga heworawwu bhara ne nga-nga?

Ta kebhali ri ke Yesus pa ro, ”Tapulara ki pedutu nga lii mu miha, nadu ke Ya dhe?” Ta bhale ke ri Petrus, ”Ama ke ne Duae Mone ma'i-Mone golo ne, Ana-Deo Do Muri ne.”

Ta lii ke Yesus, ”Mangngi mone-ae tarra au Simon ana Yona! Adho ddau-raiwawa ne do peke ne lai do naanne pa au, tapulara do peke ri Ama Ya do era pa era do mmau do megala ne.