Popular Bible Verses from LUKAS 5

Share

Ta alla No peajha ne ddau he, ta lii ke No pa Simon, ”Wohe ko ri au ju la do ei-ae, jhe ligo ne jhala au, tu ta jhala nadu'u.”

Ta lii ke Simon, ”Ama Guru, herammi-rai ne ngine jhi ne petadi, bhule le dho jhi ta nara wuru ne nga-nga he! Tapulara ri lii Ama ke, hakku ta pedute he ke ri ya ta ligo ne jhala ya dhe.” Ta alla pepehhe ne jhala ne ri Simon ta lakka ke ne nadu'u do dhai ae, ta jhari ke ta menyi'i ne jhala ne.

Ta alla pemina harre ta kako ke Yesus la hebhajha la era do keliu.

Ne dakka Ya adho ta ma pedoa ddau do penge ne ngi'u no ta do ie, tapulara tu ddau-ddau do nga lubhu harro nga menyilu, mita ie ro ta jharra ngati lubhu harro nga menyilu ro.”

Ta ngadde ri Simon ne lai do naanne, ta mejura ke no pa hedhapa Yesus, jhe lii, ”Hane we ya ri Muri! Rowi ya dhe ddau do nga lubhu harro nga menyilu!”

Ta bhale ke ri Yesus, ”Ddau do ie kale dho dote; titu wata ddau do paddha we.

Ta nuni ke ri Simon nga ihi-anga no he ne kowa he la lahalae, ta alla pemina harre ta hani ke ri ro hari-hari ne na harre, jhe pedute Yesus.

Pa dhara helodho, era ke Yesus pa dhara hewue rae. Paanne do era heddau momone do kelabe ke hari hengi'u ri paddha nadato. Ta ngadde Yesus ri no, ta mejura ke no pa hedhapa Yesus, jhe ami, ”Ama, kita wae he Ama, do nara ta peie ya ri Ama!” Ta bhuje ke ri Yesus ne ddau do naanne, jhe lii pa no, ”Wae Ya, ie we au!” Pa awe naanne dhangnge ta ele ke ne paddha ddau do naanne.

Tapulara ne lii jhara lua Yesus dhe ta ju we ne menyabbha la hebhakka-bhakka, jhe ae ne ddau do dakka la dhanno ne liajha No, mina harre lema tu ta la peie ne lua paddha ro.