Popular Bible Verses from LUKAS 1

Share

Rowi pa Deo bhule dho do dho dhae ta do dho jadhi.”

Moko ta lii ke Maria, ”Ya dhe annu Muri; la'a we no jadhi we pa ngi'u ya, mina mii ne do pale ri au ne.” Moko ta langnga ke ne naju Deo ne ti nga Maria.

Ta bhale ke ri naju Deo ne, ”Henga Deo do ta dakka ma nga au, jhe kuaha Deo ne do ta herimo-heruge au. Ri do mina harre ke ne naiki do ta metana ne, do ta pale ta Dommau-Domegala, Ana Deo.

Mangngi nga mengallu dhara tu au, taga tari do parahajha ke au, ta do ne nga we do pale ri Muri pa au ne do ta jadhi!”

Do ta melole jhe metana ri au heddau ana momone, jhe do jhamma ta pehune ri au ne ngara ne ta Yesus. Do ta keto-kelodo ke No, jhe do ta pale ta Ana Deo Tabbho-rai Tabbho-liru. Ri Muri Deo do ta dhede No ta jadhi Duae mii Daud ama-appu No. Jhe do ta pereda No pa kolo loro Yakub lohe la lodho do nami mii ne. Ne Rai-pereda No adho do era nga lua pedakka ne.”

Moko ta lii ke ne naju Deo ne pa Maria, ”Bhole meda'u, Maria, rowi do maddhi ke au pa dhara ade Deo.