Popular Bible Verses from LUKAS 9

Share

A'nogo yagaisasikhesik, wene ekhe it afuni mondogat yagaisikhi logolik, mel isikhe: ”Sa nen an nombo'ne nikhi logoigeluk halok he, onggwarek faget hilingiterek mene, nabit, iluk hebisaluk he, eba menfisaluk inoatarek mene andi, agayo meneat hundik-handik waluk he, an nombo'ne nikhi logoigeluk wesuago.

Nen, sa nen, an nebe neluk logogin namolo, iluk, ebe elele helagain halok he, wa'lasimbik nong asigin o. Meneat he, an faget wa'lasigin halok he, ebe telagain o.

at Yesus nen he, mel yagatikhe: ”It afuni, inebe lombok yabu wanuogeluk sige waluk laluk, yabu ebe fakfagaresigat he, hobuk inelokhe hebekhogo inambotkwe yet lasi weri'lagwi halok he, Allah awe a'ma fisikhere'ma andoma kugun mondok lego,” iluk yagatikhe.

Nen, sa nen, yi mene ti mene kweangma mene mondogat eise asigin meneat he, onggwarek ebe faget nong asigin halok he, ekhe onggo palogo fakhigi igin nogo? Mondok lego.

Sa nen, an Yesus agot igik, an nane andi yagaisigik, afuni ineilhanem fakhogo u enggali halok he, an abat ta'lasi wagagi mene yi nen ogo re, hobuk an nebe fogetnafik, neisena fogeratik, malaikat Allah nen yonggo pelakfisa wagarek mene omanogo fogerinafik, ugu kwelek waga logolik he, At yi an nagot, iluk nane fakhogo u re nenggaliat asigin o.

A'nogo yagatikhemo, at Yesus nen mel yagatikhe: ”Olo mene andi re, awi senggele'ma welagarego. Nen, sue tarogo nikherek mene andi re, a'nogoat awi wurik welagaregat. A'nogo meneat he, an abat ta'lasi wagagi mene andi nek he, nogo ikhi logogin oba nawi wurik he, mondok lego,” iluk yagatikhe.

it omanogo wene mel yagaisasikhe: ”Hit hinanggele'ma yoma at enu lek sebelek mene andiat ebe kain enu werek asigin andi nen he, sa nen yenggerek yi an faget wanhe halok he, An nebeat wo'nabigin o. Nen, sa nen an wo'nafu halok he, At laknobagai wagaikhe mene a'nogoat wanigin o,” iluk yagaisasikhe.