Popular Bible Verses from LUKAS 6

Share

Hiren hinangge yi mene ti mene it ekhe wogisegep halok he, Allah nen hirogo a'nogoat hesanggeat wokhisagain aro. Nen, ilirengge waruk elema kwelagaisogo ambem peterogo kwalhunem, yamukhogo pelakfuluk hobuk oba loukhogo peterogo ekhe pulelogo pugu kwelek wogisikhi lagep andi hak, Allah nen a'nogoat hokhorogo wokhisagain o. Hiren ilirengge walhalugen wogisikhi lagep andi hak, Allah nen ilirengge andibaat walhogo wokhisagain o,” iluk, yagaisasikhe.

Afuni nen yi wene ti wene inambeba nen agarek andi re, inendawimo peterek logolik, kagalogo lagai wagunem agarego. Inobabut fano mene inendawimo fano mene peterek logolik, wene fano meneat wulabi wagaikharego. Meneat he, afuni inobabut weak mene inendawimo weagat logolik wene weak meneat wulabi wagaikharego,” iluk yagaisasikhe.

It a'nogo hilingitarek meneat he, hiren he, hinom weak mene hinendawirinafik, fanorogo leberisigik, onggo iren ekhe wo'nesuak, iluk anggigi'legat we hesangge wogisigik, ikhi logogun halok he, hinebe Tuhan Allah againafuriat were'ma re, onggo hokho mene wokhisagain o. Afuni nen, at ebe hai wati'lek weak hilingitu kwelegat he endawirinaferek andi.

Halok he, Nineisena nen endawirinaferek andi hak, hiren afuni a'nogoat hinendawirinafi logoino o,” iluk yagaisasikhe.

A'nogo yagaisasikhesik he, wene ekhe mel yagaisasikhe: ”Allah nen wene hinoba feinogo iluk he, hiren afuni ekhe wene inoba fugubo. Allah nen wene hinoba fembik he, weaget hinabinogo iluk, hiren afuni ekhe wene inoba fuluk he, weagerinafubo. Halok he, hiren weak hilingiti lagep mene Allah nen sebelogo legetfisoageluk he, afuni nen weaget hinabi'lagwi mene hiren sebelogo legetfisikhi logoino o.

A'nogo yagaisasikhesik hobuk he, mel yagaisasikhe: ”A'nogo meneat he, hit an nane holhi lagep mene yi, an wene ekhe yagahisak. It afuni hinom weak mene hinendawirogo logoino o. Iren inabithogo inabiret hinafu kwelegat he, hiren onggo fano mene nek hilinginafi logoino o. Iren hit homan hinobagagu kwelegat he, hiren he, agaugwerinafi logoino o. Nen, it weagethinabi'lagwi mene andi, Allah nen fanorinabuageluk, it faget samban ikhi logoino o.

Hit hinendawimo nen he, it ekhe nen yi'nogo hilingninabilebe! iluk anggikhi lagep andi hagat hiren it andi a'nogoat hilinginafi logoino o.

It ekhe nen hinelokhonggen fena lambukhogo hinoatu halok he, fena inomat hinoasuageluk wogisano o. Nen, it ekhe nen hinasu sogoi su mene andi helugu halok he, hinasu eilemkwe mene andi inomat heloagen he, elele wanhubo. It ekhe nen, hit mene wo'nisani o, iluk kino yagahisugu halok he, inebe lombok wogisikhi logoino. Nen, iren hit hinagarek mene wanhu halok he, hobuk, wo'nisani iluk kino yagaisagubo.

A'nogo yagaisasikhesik he, hobuk ekhe mel yagaisasikhe: ”E ero fano mene ekhe enggen weak mene iterek lek. Andi hak he, e ero weak mene enggen fano mene ekhe iterek legat.

Yi e ti e andi re, enggen iterek andiba ero enegat futfagarek. Panggi alok weak meneat he, enggen ara fano mene enggen hangge ekhe itunem palharek mondok lek. Andi hak he, e mun meneat he, enggen he, anggur enggen fano mene itunem palharek mondok legat.