Popular Bible Verses from LUKAS 18

Share

A'nogo yagaisasikhesik he, at Yesus nen agoromi ane wanhi lagaukwa mene omanogo samban ikhi logolik inendawimo kamo igi'lek, hundik-handigat ikhi logouwageluk, wene ekhe oba lirogo yagaisikhi logolik he, mel yagaisasikhe

Andi hangge, at Allah nen againafuri wenagaisogo fisasikhe mene halogen linggene hubanggo inane ninghogo ayonggo fugu halok he, elele woginabigin lek nogo? Inane konhi logombigen, hobuk halok elele woginabigin nogo? Lego. Weak-weagat elele woginabigin o, iluk eberogoat yagahisigi. A'nogo hilinginabigin meneat he, an abat ta'lasi wagagi a'nogo hobuk wesimbik he, afuni kweangma mene yoma ekhe inendawinggen noba himbirik were'ma isa wesigin a? Lek he a,” iluk yagaisasikhe.

at Yesus nen he, mel yagaisasikhe: ”Afuni nen hilingisu mondok elo'lek meneat he, at Allah nen hilingisigin enego,” iluk yagaisasikhe.

A'nogo yagasi wagunem he, ap kain a'nogo nen attak ane holhi'lek abiret fikhi lagaikhe meneat he, hobuk endawimo ebeti logolik he, an nobabut he, Allah nailo legat logolik, afuni agaukhogo nendawirinafirek lek meneat he, at he sogwe mene yi, ane noba weak peakhogo yaganesi weri'logo yi, awene pilingereti'lek halolot fisamo re, noba wagu mondok logolik nendawinggen sagalogo hilingiti logoinogo nen he, awene andi pilingeresigin, iluk endawimo anggasikhe,” iluk Yesus nen isikhe.

Sa nen, yenggerugwi magendek mene yi higit hilinglagi'lek halok, Allah awe a'ma fisikherek oba andoma eisewerek asugun mondok lego, iluk eberogoat yagahisigi,” iluk yagaisasikhe.

A'nogo wenagisasukwa meneat he, at Yesus nen yenggerugwi magendek mene omanogo wesuageluk wolisasikhemo wagu kwelek he, at ane wanhi lagaukwa mene omanogo mel yagaisasikhe: ”Afuni inobabut it yenggerugwi ari inobabut hangge hilinglasugun halok he, Allah nen awe a'ma fisikhere'ma andoma eisewerek asugun andi nen he, yenggerugwi magendek andoma an noba wesuago. Wene palhu lek.

at Yesus nen he, mel yagatikhe: ”Heilenggen mum ari fano ame o. Hat hendawinggen an noba eberogo nen himbiret fegen andi nenat fano agen o,”

at Yesus nen he, mel yagatikhe: ”Hat fano, iluk yaganeten andi ninggi'nogo nen yaganeten. At ekhe fano lego. We, at Allah amuat fano o.