Popular Bible Verses from MARKUSI 4

Share

Ti Isa malo bongu, tulusi longantinga dupoto boito, wau lotahuda ode bulalo, “Poo̒oyo, potiduo̒tolo!” Dupoto olo mailoole lomola, wau bulalo loliilo daa̒. Lapatao̒ ti Isa lotahuda mao̒ ode tahidudua̒ o-Lio, “Yilongola timongoli moohe? Yilongola timongoli diila palacaya ola-U̒?”

Yi timongolio mailoohe wau hipo loi̒yawa ngota timongota, “Tutuulio-tutu tatoonu tau botie, tunggula dupoto wau buo̒ola olo modungohe o-Lio.”

Tokamudi lobulotu boito, ti Isa donggo tuutuluhu wolo lunggo-Ngio toitaato alangulua. Tahidudua̒ o-Lio malo mongu o-Lio. Uali mongolio, “Paaa̒ Guru, diila paduli li Paaa̒ ito botie matopotala?”

Lapatao̒ ti Isa luli lotahuda, “Poo̒tuota mao̒ wolo u ilodungohe limongoli botie. Tuuu̒du upomake limongoli ode taawewo uito olo u mapomake lo Allahu Taa̒ala ode limongoli – wau tumbao̒ lebe dadaata mao̒ poli.

Ti Isa luli lohumbuta mola tahuda-Lio, “Wonu Allahu Taa̒ala momalenta odelo Olongia, owowoluwoalio mowali pohumayaalo debo odelo ngotaalio lotamo mua̒yade bili to halabolulio. Hui tio motuluhu; dulahu tio mobongu. Wau sambela uito bibii-liyaalo boito hipobutua mola tulusi wau lowali iludaa̒. Bo woloolo mola dudelolio lo bibii-liyaalo boito mobutu mowali udaa̒, diila otaawa lotau boito.

Sababu uito, wonu obulonga, podungohulo!”