Popular Bible Verses from MATIUSI 27

Share

Jamu tiga lolaango, ti Isa malo nguatia̒ wolo suala daa̒-daa̒alo mao̒, “Eli, Eli Lama Sabakhtani?” u boliilio, “oo Allahu Taa̒ala, oo Allahu Taa̒ala, yilongola matilolaa lo Allahu Taa̒ala Watotia?”

Lalante u ntaya-ntayanga todelomo Bele lo Eeya lokaidinga duluo lonto yitaato demola tibawa. Huta hilumuhelo wau huhuu-ideyaalo botu lobutao̒. Kukuu-buluwaalo lohuo̒, wau dadaata umati lo Allahu Taa̒ala tamalo poowate luli bilongu-Lio mai.

Lapatao̒ ti Isa luli longuatio̒ wolo suala daa̒-daa̒alo mao̒, tulusi lopulitolo mola napasii-Lio.

Tau̒wa lo pasukani pee̒-pee̒enta wolo mongo pajule tadonggo hidahawa li Isa mailoohe daa̒ tou̒ loo̒onto liluhu, wau ngoa̒amila u lotoduo mai boito. Timongolio hipo loi̒yawa, “Otutu, Tio botie Walao̒ Allahu Taa̒ala!”

Tou̒ dulahee totau̒, ngotilonggadu tolo jamu mola, ngoilanggubu lipu boito malo dio̒lomai.

“Wonu odito, wolo u musi pohutuwou̒ woli Isa tai̒lunte Almasi?” yilintu lei Pilaatu olimongolio. “Salipuwalo Tio!” uali mongolio ngoa̒amila. “Bo ololeeto wolo u pilohutu-Lio?” yilintu lei Pilaatu. Lapatao̒ timongolio tilonggo watio̒ lebe udaa̒ mao̒, “Salipua Tio!”