Popular Bible Verses from MATIUSI 23

Share

Taa u pulito udaa̒ towolota limongoli wajibu mowali watomu.

Taa u mopolaio̒ batangalio mapo dupapalo, wau taa u motidupapa batangalio mapolaio̒lo.”

Matopotala timongoli guguu-ruwaalo agama wau tau-tauwalo Parisi! Timongoli wambao̒ tamoohutua udiila otu-otutulo mao̒. Ramba-ramba debo odelo solasi, denggu-denggu, wau boli jinta, hewohi limongoli ngotayade mopululio ode Eeya. Lebe-lebe pomao̒ susuu-aliyaalo u polohuna daa̒ todelomo bubuu-too̒waalo agama, debo odelo humayaalio: Ua̒adili, laasa tolia̒ngo wau otatapu wau molotolo hilao, diila padulio limongoli. Lebe-lebe pomao̒ ui-uitolo u patutilio pohutuo mao̒ limongoli, lou̒ diila momalongo uwewolio olo.

Matopotala timongoli guguu-ruwaalo agama wau tau-tauwalo Parisi! Timongoli wambao̒ tamoohutua udiila otu-otutulo mao̒. Mamaa-nggowalo wau pipii-nggeyalo limongoli heiluheta limongoli lobele-belesilo mao̒ towimbihu bulemengio, hiambola towimbihu delomio mokootolo daa̒ wolo susuu-aliyaalo uilotapu limongoli wolo pakusa wau langgamu.

“Yerusalemu, Yerusalemu! Mongo nabi pilatemu yila-yilateelo mao̒. Mongo utolia lo Allahu Taa̒ala hepilai̒mu lobotu tunggula yilate. Demaa poo̒ongolo Wau̒ ohilaa momuduo̒ ngoa̒amila tuango lipumu odelo tiilo maluo̒ modaha walai̒o to walungo polipii̒o, bo timongoli diila mohuto!

Odito olo timongoli. Monto bulemengio timongoli oontonga lotau mopiohu; bo todelomio, timongoli polupolu lou̒ paaluti wau hipo lambangawa wuu̒du.”