Popular Bible Verses from MALEAKHI 3

Share

Delowaalo ngotayade mopulu limongoli ngoa̒amilalo ode Belee-U̒ alihu woluo ua̒alo laba-labaalo daata mola teto. Tesiyaalo Wau̒, yi timongoli mamoo̒onto deu̒ Wau̒ momuo̒ huhuu-hebuwaalo sologa wau mopoo̒daata mai daa̒ olimongoli wolo totoonulalo u mopiohu.

Wau̒ diila tamo poluli mao̒ buhudu moporuusa tilapulo hutaamu; bubuu-ngowaala lo anggurumu mamopolu wau mobuheeto hungolio. Yi timongoli maloiyaalo sanangi tutu lo ngoa̒amila bangusa, sababu lipumu mowali tambati umopiohe upoti biluloa̒alo.”

EEYA Taa Laba-labaalo kawasa lotahuda mai, “Timongolio mamowali umati-U̒. To dulahe Wau̒ mohutu mai, timongolio mamowali miliki tailo hilaa-U̒. Wau̒ mamomonu olimongolio, debo odelo ngotaalio lotiyamo motolia̒ngo walai̒o tahemo tiwato to olio. Umati-U̒ mamoo̒onto poli hiihedio wolota lotaa opaladu mopiohe wau taa opaladu moleeto, wolota taa u hemo tiwato to Olau̒ wau tadiila.”

Totametai lo EEYA Taa Laba-labaalo kawasa, “Wau̒ mamolao mai utoliya-U̒ u mopodapato dalalo ola-U̒. Yi wolo tumahuo̒lo mola Wau̒, EEYA tahe lolohu olimongoli, mamei dungga ode Belee-U̒. Utoliya-U̒ tahe wooloolo limongoli boito mamei dungga mai wau mopo malalumu daantiaa-U̒.”