Popular Bible Verses from LUKASI 17

Share

Lapatao̒ ti Isa lotahuda mao̒ ode tau boito, “Pobongulo, wau nao̒olo. Sababu yio̒ palacaya ola-U̒, yio̒ maloluli.”

Wonu tio odusa to olemu poo̒opitu ngohui wau timii̒du monao̒ mai ode olemu wau moloi̒ya, ‘Watia mohile maa̒apu,’ ambungua mao̒ tio.”

Tou̒ ngotaalio limongolio loo̒laasa mao̒ deu̒ tio maloluli, tio malo hualingo sambela wenga-wengahe daa̒ helomuji Allahu Taa̒ala. Tulusi totalu li Isa tio losujudu wau lolapali oduo̒lo o-Lio. Tau boito ngotaalio lo Samaria.

Sababu uito, poo̒dahailo! Wonu wutatumu odusa, dinia mao̒ tio. Wonu tio molee̒e, ambungua mao̒ tio.

Lapatao̒ ti Isa lotahuda mao̒, “Diila mopulu lota tamaa piloo̒luli? Matou̒toonu taa tiolota?

Eeya lolametao̒, “Wonu timongoli o iimani debo odelo udaa̒ bili losawi, timongoli mowali moloi̒ya ode bungo lo ayu mulubei botie, ‘Pobunggatolo yio̒ wau meilodungolo mola todelomo deheto,’ tantulo mao̒ bungo lo ayu botie mamoduduo̒ palentamu.”

Taa motolopani mopoa̒ahu tutumulio, mao̒olia lo tutumulio. Bo tao̒olia lo tutumulio mapoa̒ahuwolo.

Ti Isa lotahuda mao̒ to tahidudua̒ o-Lio, “Sua̒li umoo̒ sababu tau mohutu dusa tantulo mao̒ debo woluo. Bo matopotala taa u moo̒sababu mao̒! Lebe mopiohu wonu botu pohilingalo potihutolo to buloo̒lio, tulusi tio pomahulolo ode delomo deheto lou̒ tio mamoo̒ sababu tala ngota lotau-tauwalo tabiasa botie mohutu dusa.

Todulahee lo Walao̒ Manusia de poi̒laalolio, owowoluwoalio odelo tojamani li Nabi Noho tou̒ boito. Tau molamelo mongilu, wau monika; oditolo mola mololaalaaita tunggula ti Nabi Noho tilumuwoto ode kapali wau taluhe daa̒ leidungga tunggula loo̒sababu tau-tauwala boito lopunungo ngoa̒amila.