Popular Bible Verses from LUKASI 11

Share

Openu timongoli moleeto, debo otaawa limongoli olo mongohi u mopiohu towalai̒ mongoli. Tidiyolo mao̒ Allahu Taa̒ala to Sologa! Allahu Taa̒ala mamongohi mai Rohu-Lio to limongolio tamohile to o-Lio!”

Oditolio, Wau̒ motahuda mai olemu: Pohileelo, yi timongoli mawohialio; loloheelo, yi timongoli mamoo̒tapu; pongokoo̒lo, yi huhebu mahuo̒olio olemu.

Sababu tamohile mamololimo; tamololohu mamoo̒tapu wau tamongokoo̒ mahuo̒walio tohuhebu.

Yi ti Isa lotahuda mao̒ olimongolio, “Wonu timongoli modua̒, loi̒ya mao̒ odie, ‘Allahu Taa̒ala, Eeyalo Paapa bo Tuwa-tuwaulo. Pohileaala dua̒ Eeya tuboolo wau hulumatiolo.

Ambungua mai duduu-sawaalo mongowatotia, sababu mongowatotia olo hemo ngambungu timii̒du tau tao̒totala to mongowatotia. Wau diila mao̒ polulia mongowatotia oolia lo palacaya towakutu mongowatotia yimontalalio.’ ”

Wuduwalo mai timii̒du dulahu ua̒alo upalaluo lo mongowatotia

Mato yito tohe lobatanga. Wonu matomu motilango, ngoa̒amila batangamu mobaango daa̒. Bo wonu matomu mopulau, ngoa̒amila batangamu mowali modio̒lomo daa̒.

“Diaaluo taa u mopoleitaa tohe lapatao̒ tuuo̒lio meaalo tau̒belio wolo tombe. Madutuolio tohe boito to oa̒ato tohe, alihu taa tumuwotao̒ mamoo̒onto tilangio.