Popular Bible Verses from YAHYA 12

Share

Taa u motohilaa momaya ola-U̒ musi modudua̒ ola-U̒; alihu tamoomayawa ola-U̒ mowali pee̒-pee̒enta wola-U̒ tou̒toonu Wau̒ woluo. Taa u momaya ola-U̒ mahulumatio li Paapa-U̒.”

Taa motolia̒ngo tutumulio todunia botie, mao̒olia lo tutumulio. Bo taa molonuo̒ tutumulio todunia botie, mamolaalao̒ duo̒lo tutumulo ututuulio tutu wau ohiheo-hiheolo mao̒.

Otutu banali tahuda-U̒ botie; Wonu pale ngobotu diila pomulolo ode delomo huta wau mate, pale boito madebo ngobotu wambao̒. Bo wonu bili lopale boito mate, bolo bili boito mamongohi mai tilapulo dadaata pale.

Wau̒ dungga-dungga mai ode dunia botie odelo tilango, alihu ngoa̒amila taa palacaya ola-U̒ diila tamoti biluloa̒ todelomo u modio̒lomo.

Taa modungohe pongaajali-U̒, bo diila modudua̒ao̒ – diila Wau̒ tamo hukuumani olio. Sababu Wau̒ dungga-dungga mai diila mai momutoo̒ dunia botie, bo mai mopoa̒ahu mao̒.

Lapatao̒ ti Maria lonao̒ mai lodelo yinulo Narwastu moonu u mahale daa̒ otanu ngoputu loliiteri. Tio loluwatao̒ yinulo boito ode oa̒ati Isa, lapatao̒ malo maideo̒ wolo huwoi̒o. Ngoilanggubu bele boito mailoonulo mola, sababu yinulo moonu boito.

Yi timongolio malohama duduu-ngowaalo Palemu tulusi mota lolutulai o-Lio, sambela hiwaatia̒ wolo wengahe daa̒, “Pujiaalo mola Allahu Taa̒ala! Mabala-balakatilo Tio tadungga-dungga mai to tanggulo Eeya. Mabala-balakatilo Olongia lo Isirai̒lu!”

Ti Isa lotahuda mao̒ ode limongolio, “Mawakutuulio Walao̒ Manusia pou̒daa̒alo.