Popular Bible Verses from Markus 5

Share

Kagena de Una wotemo o ngopedeka muna magenaka, “He, Ai ngopa! Sababu ngona noipiricaya, so ngona nilohaka. Notagi de upa nohawateri, sababu to ngona ani dubuso de ani siri lo ihiwaka.”

Kagena manga sidongirabano, o ngopedeka moi mopanyake o au mosidagi de itekaka, duma itogu waasi ma deka o taungu mogiowo de sinoto dabolo. O dokterka gena yadalaka motagi momasou de ami sangisara yodogo, so ka o sou momasibangu sidago lo ami pipi damata. Duma kodo milohawa, salanta mipanyake gena foloi idogo.

De o orasi magena dabolo de o au mosidagi kawa. Kagena de muna momamalo ami siri magena dalohaka.

Dabolo de Una wacoho o ngopa magena ami giaka, de wotemo munaka, “Talita kumi!” O Yahudika manga demo magena ma ngale, “He, Ai ngopa! Nomomi!”

So de Una ka wobobicarasi, de o Yairus awi tahuno o sosulo yamuruo naga yahino. De ona magena wisibubusu o Yairuska, de itemo, “Upa ngona ma Baba Guru nowigolo kali, sababu ani ngopa mosoneka.” La de o Yesus woise, de ka wotemo o Yairuska, “Upa ani sininga itura, de nopiricaya bato.”

Duma o Yesus wosulo wikokitoka una magenaka, de wotemo, “He, toka! O nyawa una manenano nisupu.” Kagena de o nyawa una magena asa womatoore de wotemo, “Yesus, o Gikimoi Wikukuruye ma Ngopa, noidooha ngohika! Togolo o Gikimoika nojaji, kodo, upa noisangisara!” De wosano, “Ani ronga naguuna.” Wikokitoka una magena wosango, “Ai ronga Dala, sababu ngomi manena o toka midadalaka.”