Popular Bible Verses from Rasul 5

Share

So kagena de o Petrus de o rasul ma somoa isango itemo, “Ngomi gena o nyawa miamotewa, so bilasu o Gikimoika miwimote.

De o wange isigeto ona itola-tolawa, o Gikimoi Awi Tahuka de o bi nyawa manga tahuka, yahika la yadoto de isihabari o habari daloloha ma ngale o Yesus Una magena o Salamati ma Kolano.

Kagena de o Petrus wotemo, “Ce, Ananias! Dadoohaso nomasimaha o Iblis ani sininga yapareta la o Gurumi Datetebi nowikulai so ani tona ma ija ma pipi ma sononga nadiahika. Igogou, ani tona magena nosiija waasi gena to ngona, so nako nodupawa, upa he nosiija. De igogou ani tona magena lo nosiijaka ma pipi lo to ngona, so nako nodupa ka ma sononga nahike, upa he nokulai de notemo ma ija ma lamo cawali kamagena. De imaaka idodooha so ani sininga ma rabano nosimaha o dorou ibao sidago naaka maro komanena. So, igogou, ngona o nyawa nakulaiwa, duma o Gikimoi nowikulaika bai!” O Ananias o demo dangodu magena woise, de ka awi sone irubaku. Sababu komagena o Gikimoi wifanggali unaka, so o bi nyawa kiaka bato yogiise o hali idadadi magena, ona yangodu ka yamodo poli.

So o bi gianongoru, o orasi manena tosidadu tinisibicara nginika, upa lo o kia naga moi niaaka o bi nyawa ona magenaka, duma niadohaka bato. Nakoso to ona manga dodoto magena ma sihino la o nyawano, done asa dasisaka so he isihabari kawa. Duma nakoso magena ma sihino o Gikimoino, done asa niatogu niaakuwa. So done ma duuru asa niakelelo igogou o Gikimoi niwilawangi.” O Gamaliel awi sitiari magena o Mahkamah Agama ma nyawa ona magena isigise de yadehe daloha, so imatekefakati upa ona yatooma.