Popular Bible Verses from MATIUS 14

Share

Kodeja okai ukija kodo dojake weda gai. Gibu taine dani emeeme teete mana, „Ei, Tuhan, naadadai!” etii. Jesus kou gaa kodo gane mapido atijake ejakai, eteete mana, „Ei, epaapate maakodo gai beu me, magijo ka aki dimi takaida keege?” etii.

Kodeja okai ukija kodo dojake weda gai. Gibu taine dani emeeme teete mana, „Ei, Tuhan, naadadai!” etii.

Kodeja okai kou gaa kodo Jesus mana oowegajake eteete mana, „Ei, kegepa tipinimakai. Ani no. Weda te gai,” etii.

Tijake Peterus wo eteete mana, „Ei, Tuhan, maakidi aki kipe ko, akeepa uwo wadouga jawiine mei enii,” etii. Tijake Jesus „Mei” etijake Peterus koma duba make mijouwe kijake uwo wadouga Jesuspa ita uwii.

Tijake komaida tota bageido migaakobe eteete mana, „Beu maa kou, aki ki Ugatame Joka,” etii.

Jesus eteete mana, „Me te uwii. Ikii ke naija agijo menii,” etii. Okeija eteete mana, „Inii tumaana agijo ma beu, kodeja goti kemo idibi ma, binei ida wija ma to,” etii.

Tijake Jesus eteete mana, „Aneepa naadoke-mewei,” etii. Tijake meido kodo bopu wado animake-tei etii. Daana goti kemo idibi ma, binei ida wija ma motijake epa maida wado dojake mobu ediimai. Goti utijake etope-taido menii, daana etope-taido meidoopa jawudii.

Okei utoma nojake mobu kai. Utita abu kitaija kodo momotijake edu tapuja wija ma gaati ebetume awimakai.