Popular Bible Verses from LUKAS 7

Share

Okai kouja ani katii, okaija peudo wedaba kodeja, ipa jajaikidokii, okai didi umina gai kouja. Kodeja mijo gaa to ipa ejaikita me mijo gaa to didi gai.” Tijake jagamo kodoopa eteete mana, „Akija peu awitaido ipa kajaikidokii,” etii.

Tijake Jesus kidi jagamo kodoopa eteete mana, „Akija maakodo gai kodaa enaa keege. Kojáá uwii,” etii.

Jagamo kodo Jesus bado wouto joonidoke tijake jege tai. Jegeedijo kodaa Jesus bado debeta kijake jagamo kodaa ijo ka jawunai. Okaija bado unu ejumidojake unu enaa odijo jatuumai.

Okai kouja ani kidaa akeepa jawii nadou peu gaaga. Kodeja mana eni-jokai to, nakei te-tai me kidi beu ke-tita, kateegi. Ani na mana juwe-tai me kouja, daana serdadoudo maija najuwe-tai. Kou danite ani me idaana ’Uwi’ etipa okai uwii. Daana me idaana ’Mei’ etipa okai mei. Daana nakei te-tai me kidiipa ’Kii kei ti’ etipa okai kei tai to, kateegi,” etii. Kou mana muto Jesus juwijake eepai. Wouga wakouga tijake eepeete bageepa eteete mana, „Ani kitii, Israil bagee jupi kou dani maakodo gai ibo kodo ani dou beu,” etii.

Okai kou gaa kodo maija me wedaba didi tuma tumaija ma, enija ma Jesus beu jaawii, daana peka wanee bagee wedaba enaa jaawii. Tijake Jesus wo eteete mana, „Ikai aadou ma aajuwai ma aateega agijoudo Jahja aete-auwai. Kou ko, peka wanee bagee peka dou; wajage bagee ita epeepite uwina tai; tomo jago dani bagee oodaa; gapa daba bagee juwii; bokata bagee eenigojawita; daana daba bageepa ajii mana jawudita kodo.